२०८३ असोज ७ गते ९:४७ 
News Summary
Generated by OK AI. Editorially reviewed.- एसियाली खेलकुदअन्तर्गत पुरुष ६० केजी बक्सिङमा नेपालका खगेन्द्र रोकामगरले मकाउका एल्भिन जिम्नेसियममा ५–० ले हराएर अन्तिम १६ मा स्थान बनाए ।
- बुधबार भएको प्रारम्भिक चरणको खेलमा खगेन्द्रले तीनै राउन्डमा पाँचै निर्णायकबाट बढी अंक पाए ।
- खगेन्द्रको अर्को खेल शुक्रबार हुनेछ ।
७ असोज, काठमाडौं । २०औं एसियाली खेलकुदअन्तर्गत पुरुष ६० केजी तौल समूहको बक्सिङमा नेपालका खगेन्द्र रोकामगर अन्तिम १६ चरणमा प्रवेश गरेका छन् ।
निशिओ जिम्नेसियममा बुधबार भएको प्रारम्भिक चरणको खेलमा खगेन्द्रले मकाउका एल्भिन जोन रेयेस सालिनासलाई ५–० को सर्वसम्मत निर्णयमा पराजित गरे ।
खगेन्द्रले तीनै राउन्डमा पाँचै जना निर्णायकबाट बढी अंक प्राप्त गर्दै जित निकाले । पहिलो राउन्डमा सबै निर्णायकले उनलाई १०–९ को अग्रता दिएका थिए ।
दोस्रो राउन्डमा चार निर्णायकले १०–९ र एकले १०–८ को स्कोर दिएका थिए ।
तेस्रो राउन्डमा पनि पाँचै निर्णायकले खगेन्द्रलाई १०–९ को अग्रता दिए । खेलका क्रममा खगेन्द्रलाई एकपटक चेतावनी दिइएको थियो ।
जितसँगै खगेन्द्रले पुरुष ६० केजीतर्फ अन्तिम १६ मा स्थान बनाएका छन् ।
उनको अब अर्को खेल शुक्रबार हुनेछ ।
प्रतिक्रिया 4