News Summary
Generated by OK AI. Editorially reviewed.- युएईले नेपाली श्रमिकको प्रहरी चारित्रिक प्रमाणपत्र प्रमाणीकरण शुल्क अक्टोबर २०२६ देखि ५० प्रतिशत घटाउने सहमति गरेको छ।
- प्रमाणीकरण प्रक्रिया तीन कार्यदिनभित्र पूरा हुने व्यवस्था मिलाइएको नेपाल वैदेशिक रोजगार व्यवसायी संघले जनाएको छ।
- भ्रमण तथा व्यावसायिक भिसामा युएई जाने नेपाली नागरिकलाई प्रहरी रिपोर्ट प्रमाणीकरण नपर्ने व्यवस्था निकट भविष्यमा मिलाउने प्रतिबद्धता राजदूतले व्यक्त गरेका छन्।
८ असोज, काठमाडौं । संयुक्त अरब इमिरेट्स (युएई) जाने नेपाली श्रमिकको प्रहरी चारित्रिक प्रमाणपत्र प्रमाणीकरणमा लाग्दै आएको शुल्क ५० प्रतिशत घट्ने भएको छ।
नेपाल वैदेशिक रोजगार व्यवसायी संघका अध्यक्ष डिकबहादुर खत्रीको नेतृत्वमा संघको प्रतिनिधिमण्डलले नेपालस्थित युएईका राजदूतसँग गरेको भेटवार्तामा यस्तो सहमति भएको संघले जनाएको छ।
संघका अनुसार अक्टोबर २०२६ देखि युएई रोजगारीमा जाने नेपाली श्रमिकको प्रहरी रिपोर्ट प्रमाणीकरण शुल्कमा ५० प्रतिशत छुट दिइनेछ। यस्तै, हाल रिपोर्ट प्रमाणीकरणका लागि लाग्दै आएको समय घटाएर तीन कार्यदिनभित्र प्रक्रिया सम्पन्न हुने व्यवस्था मिलाइएको जानकारी संघका महासचिव हिरा बहादुर डाँगीले जानकारी दिए।
हाल युएईले नेपाली श्रमिकको प्रहरी रिपोर्ट प्रमाणीकरणका लागि ३५३ दिराम अर्थात् १४ हजार भन्दा बढी शुल्क लिने गरेको छ। अब अक्टोबरबाट ५० प्रतिशत शुल्क घटाउने जानकारी गराएको महासचिव डाँगीले बताए ।
संघले उक्त प्रमाणीकरणको प्रक्रिया नै हटाउन माग गरेको थियो। तर, उक्त प्रक्रिया युगईको आन्तरिक सुरक्षा व्यवस्थासँग सम्बन्धित भएकाले पूर्णरूपमा हटाउन सम्भव नभएको राजदूतले बताएका थिए।
यस्तै, भ्रमण तथा व्यावसायिक भिसामा युएई जाने नेपाली नागरिकलाई प्रहरी रिपोर्ट प्रमाणीकरण गर्न नपर्ने व्यवस्था निकट भविष्यमा मिलाउने प्रतिबद्धता समेत राजदूतले व्यक्त गरेको संघले जनाएको छ।
गत वर्षको भदौमा नेपालमा भएको जेनजी आन्दोलनपछि युएईले प्रहरी रिपोर्टका लागि १४ हजार भन्दा बढि शुल्क लिदै आएको थियो।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4