२०८३ असोज १६ गते १६:५६ 
१६ असोज, काठमाडौं । एसियन क्रिकेट काउन्सिल (एसीसी) का अध्यक्ष मोहसिन नक्वी एसियन गेम्स २०२६ को क्रिकेट फाइनल हेर्न जापान नजाने भएका छन् ।
एसियन गेम्सअन्तर्गत पुरुष क्रिकेटको स्वर्ण पदकका लागि शनिबार भारत र पाकिस्तानबीच खेल हुँदैछ । त्यसअघि श्रीलंका र बंगलादेशले कांस्य पदकका लागि प्रतिस्पर्धा गर्नेछन् ।
एसीसीले शुक्रबार विज्ञप्ति जारी गर्दै नक्वी फाइनल खेलका लागि जापान नजाने जानकारी दिएको हो । विज्ञप्तिमा नक्वीले स्वर्ण र कांस्य पदकका लागि खेल्ने चारै टोलीलाई शुभकामना दिएको उल्लेख छ ।
नक्वीले आफ्नो व्यस्तताका कारण नागोया जान नसक्ने बताएका छन् । उनले एसियन गेम्सको स्वर्ण र कांस्य पदकका खेलका लागि सहभागी सबैलाई शुभकामना दिँदै रोमाञ्चक खेल हेर्न आफू उत्साहित रहेको बताएका छन् ।
मोहसिन पाकिस्तान क्रिकेट बोर्डका पनि अध्यक्ष हुन् ।
प्रतिक्रिया 4