News Summary
Generated by OK AI. Editorially reviewed.- जनआस्था साप्ताहिकका प्रधानसम्पादक किशोर श्रेष्ठलाई ठाडो निवेदन परेपछि छलफलका लागि नेपाल प्रहरीको साइबर व्युरोमा लगिएको छ।
- श्रेष्ठविरुद्ध हिजो रास्वपा केन्द्रीय सदस्य हिमेश पन्तले निवेदन दिएका थिए, र श्रेष्ठले पनि पन्तविरुद्ध ब्युरोमै निवेदन दिएका थिए।
- श्रेष्ठलाई यसअघि साउन २७ गते काठमाडौं प्रहरी परिसरले नियन्त्रणमा लिई विद्युतीय सामग्री जफत गरेको थियो।
३१ असोज, काठमाडौं । जनआस्था साप्ताहिकका प्रधानसम्पादक किशोर श्रेष्ठलाई छलफलका लागि भन्दै नेपाल प्रहरीको साइबर व्युरोको कार्यालय लगिएको छ । उनलाई लिन आज बिहान ब्युरोको टोली नख्खुस्थित घरमै पुगेको थियो ।
साइबर व्युरोको उच्चस्रोतले अनलाइनखबरसँग भन्यो, ‘उहाँविरुद्ध ठाडो निवेदन परेकाले छलफलका लागि ल्याइएको हो ।’
समाचारको विषयलाई लिएर श्रेष्ठविरुद्ध हिजो रास्वपा केन्द्रीय सदस्य हिमेश पन्तले साइबर व्युरोमा निवेदन दिएका थिए । पत्रकार श्रेष्ठले पनि हिमेश विरुद्ध ब्युरोमै निवेदन दिएका थिए । ब्युरो स्रोतका अनुसार श्रेष्ठ र पन्त दुवै पक्षलाई राखेर छलफल गराउने तयारी छ ।
श्रेष्ठलाई यसअघि साउन २७ गते काठमाडौं प्रहरीले पक्राउ गरेको थियो । उनको निवास र घरमा खानतलासी गरेर प्रहरीले ल्यापटप, कम्प्युटर लगायतका विद्युतीय सामग्रीहरु नियन्त्रणमा समेत लिएको थियो ।
तर बन्दीप्रत्यक्षीकरणको रिट परेपछि सर्वोच्च अदालतले श्रेष्ठलाई थुनामुक्त गरी हाजिरी जमानी वा तारिखमा राखेर अनुसन्धान गर्न परमादेश जारेको थियो । त्यसपछि उनी भदौ १ गते हिरासत मुक्त भएका थिए ।
तस्वीरहरू : आर्यन धिमाल
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4