News Summary
Generated by OK AI. Editorially reviewed.- साइबर ब्युरोले रास्वपा केन्द्रीय सदस्य हिमेश पन्तलाई जनआस्था साप्ताहिकका प्रधानसम्पादक किशोर श्रेष्ठविरुद्धको उजुरीपछि बोलाएको छ ।
- प्रहरीले श्रेष्ठलाई नख्खुस्थित निवासबाट साइबर ब्युरो लगेको छ ।
- श्रेष्ठ र पन्त दुवै पक्षले एकअर्काविरुद्ध निवेदन दिएकाले ब्युरोले उनीहरूलाई सँगै राखेर छलफल गराउने जनाएको छ ।
३१ असोज, काठमाडौं । नेपाल प्रहरीको साइबर ब्युरोले रास्वपा केन्द्रीय सदस्य हिमेश पन्तलाई बोलाएको छ । जनआस्था साप्ताहिकका प्रधानसम्पादक किशोर श्रेष्ठविरुद्ध ब्युरोमा ठाडो उजुरी दिएकाले पन्तलाई पनि बोलाइएको हो ।
प्रहरीको एक टोलीले पत्रकार श्रेष्ठलाई नख्खुस्थित निवासबाट साइबर ब्युरो लगेको छ । पन्त पनि साइबर ब्युरोतर्फ प्रस्थान गरिसकेको स्रोतले बतायो ।
समाचारको विषयलाई लिएर श्रेष्ठविरुद्ध पन्तले हिजो साइबर व्युरोमा निवेदन दिएकाले दुवै पक्षलाई सँगै राखेर छलफल गराइने ब्युरो स्रोतले जनाएको छ । श्रेष्ठले पनि पन्तविरुद्ध निवेदन दिएका थिए ।
श्रेष्ठलाई यसअघि साउन २७ गते काठमाडौं प्रहरी परिसरले नियन्त्रणमा लिएको थियो । उनको निवास र घरमा खानतलासी गरेर प्रहरीले ल्यापटप, कम्प्युटर लगायतका विद्युतीय सामग्रीहरु नियन्त्रणमा समेत लिएको थियो ।
तर बन्दीप्रत्यक्षीकरणको रिट परेपछि सर्वोच्च अदालतले श्रेष्ठलाई थुनामुक्त गरी हाजिरी जमानी वा तारिखमा राखेर अनुसन्धान गर्न परमादेश जारेको थियो । त्यसपछि उनी भदौ १ गते हिरासत मुक्त भएका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4