News Summary
Generated by OK AI. Editorially reviewed.- अविरल वर्षापछि अवरुद्ध बेँसीसहर–चामे सडक मनाङ मर्स्याङ्दी हाइड्रोपावर कम्पनीको सहयोगमा ६ दिनमा पुनः सञ्चालनमा आएको छ।
- गत असोजको भारी वर्षाले पहिरो र बाढीबाट क्षति पुर्याएको करिब ६० किलोमिटर सडकमा उपकरण र जनशक्ति परिचालन गरी मर्मत र पुनःस्थापना गरिएको हो।
- सडक सञ्चालनसँगै मनाङका १३ गाउँका करिब ५ हजार ६०० नागरिक लाभान्वित भएका छन्।
६ कात्तिक, मनाङ । अविरल वर्षापछि अवरुद्ध बेँसीसहर–चामे सडक पुन: सञ्चालनमा आएको छ । मनाङ मर्स्याङ्दी हाइड्रोपावर कम्पनीको सहयोगमा आवश्यक उपकरण, जनशक्ति, इन्धन तथा अन्य सामग्री परिचालन गरी ६ दिनमा सो सडक खुलाएको हो ।
दुर्गम हिमाली जिल्ला मनाङमा गत असोजमा चार दिनसम्म लगातार परेको भारी वर्षाका कारण सो सडकखण्डका विभिन्न स्थानमा पहिरो खस्नाका साथै बाढीले सडक कटान गरेको थियो ।
सडकखण्डको केही ठाउँमा आधार संरचना पनि क्षतिग्रस्त भएको अवस्थमामा मर्मतसम्भारपछि बेँसीसहरदेखि चामेसम्मको प्रभावित यातायात सेवा सञ्चालन गर्न सकिएको बुटवल पावर कम्पनीका संयोजक प्रतीकमानसिंह प्रधानले जानकारी दिए ।
उनका अनुसार विपद्पछि कम्पनीले तत्काल उपकरण र जनशक्ति परिचालन गरी क्षतिग्रस्त सडकखण्ड मर्मत तथा पुन:स्थापनाको काम थालेको हो ।
‘अन्य जलविद्युत् आयोजना र स्थानीय सडकसम्बन्धी निकायसँग समन्वय गरी करिब ६० किलोमिटर बेँसीसहर–चामे सडक छ दिनमै सञ्चालनमा ल्याउन सफल भएका छौं,’ प्रधानले भने, ‘चामेनजिक रहेको एक खोलामा गेग्रानसहित आएको बाढीपहिरोले मुख्य नदीको बहाव अवरुद्ध गरी ताल बनाएको थियो । सरकारसँग सहकार्य गर्दै कम्पनीका तर्फबाट एक्स्काभेटरलगायतका उपकरण परिचालन गरी उद्धार तथा विपद् व्यवस्थापनमा आवश्यक डिजेल र अन्य सामग्री पनि उपलब्ध गराएर सडक सञ्चालनमा ल्याउन सकिएको हो ।’
सो सडकखण्डको मर्मतसम्भार तथा आपत्कालीन पुन:स्थापनाका लागि यसअघि पनि विभिन्न उपकरण र जनशक्ति परिचालन गर्दै आएको कम्पनीले जनाएको छ । उक्त सडक सञ्चालन भएसँगै मनाङका १३ गाउँका करिब पाँच हजार ६०० नागरिक लाभान्वित भएका छन् । रासस
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4