News Summary
Generated by OK AI. Editorially reviewed.- मुख्यमन्त्री चेतनारायण आचार्यले विपद् जोखिम न्यूनीकरण र व्यवस्थापनमा तीनै तहका सरकारबीच प्रभावकारी समन्वय र पूर्वतयारी आवश्यक रहेको बताएका छन्।
- अर्घाखाँचीमा भएको अन्तरक्रिया कार्यक्रममा उनले विपद् व्यवस्थापनलाई प्राथमिकतामा राखेर सरकारले लगानी गर्न र सम्बन्धित निकायले जिम्मेवारी पूरा गर्नुपर्ने बताए।
- आचार्यले योजना कार्यान्वयनमा स्थानीय तहसँग समन्वय गर्न र फरफारकअघि जिल्ला समन्वय समिति तथा स्थानीय तहबाट अनुगमन गरिने जानकारी दिए।
१३ कात्तिक, अर्घाखाँची । लुम्बिनी प्रदेशका मुख्यमन्त्री चेतनारायण आचार्यले विपद् जोखिम न्यूनीकरण तथा व्यवस्थापनका लागि तीनै तहका सरकार र सम्बन्धित निकायबीच प्रभावकारी समन्वय र पूर्वतयारी आवश्यक रहेको बताएका छन् ।
शुक्रबार अर्घाखाँचीमा आयोजित विपद् जोखिम न्यूनीकरण तथा व्यवस्थापनसम्बन्धी सरोकारवालासँगको अन्तरक्रिया तथा सिकाइ आदानप्रदान कार्यक्रममा उनले विपद् व्यवस्थापनलाई प्राथमिकतामा राखेर सरकारले लगानी गर्नुपर्ने र सम्बन्धित निकायले आफ्नो जिम्मेवारी पूरा गर्नुपर्ने बताए ।
विपद्का घटनाबाट हुने मानवीय तथा भौतिक क्षति न्यूनीकरण गर्न पूर्वतयारी, समन्वय र जिम्मेवारीबोधलाई प्राथमिकता दिनुपर्ने उनको भनाइ थियो । विपद् व्यवस्थापनका योजना प्रभावकारी रूपमा कार्यान्वयन गर्न कानुनी, संस्थागत र व्यावहारिक पक्षमा सुधार आवश्यक रहेको उनले बताए ।
विपद् व्यवस्थापनका योजना कार्यान्वयन गर्दा सम्बन्धित स्थानीय तहसँग समन्वय गर्न निर्देशन दिँदै आचार्यले योजनाको फरफारक गर्नुअघि जिल्ला समन्वय समिति र स्थानीय तहबाट अनुगमन गर्ने व्यवस्था मिलाइएको जानकारी दिए । अनुगमन प्रणाली प्रभावकारी बनाउन कानुन संशोधन गरिएको उल्लेख गर्दै उनले समन्वयबिना गरिने कामले अपेक्षित नतिजा दिन नसक्ने बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4