News Summary
Generated by OK AI. Editorially reviewed.- बाजुराको बडीमालिकामा भारी हिमपातपछि सम्पर्कविहीन कञ्चनपुरका २० वर्षीय मनिष बोहराको शव सोमबार हेलिकप्टरमार्फत मार्तडी ल्याइयो।
- आइतबार त्रिवेणी पाटन नजिकै मृत फेला परेका बोहराको शव जिल्ला अस्पतालमा पोष्टमार्टमका लागि लगिएको छ।
- हिमपातपछि बडीमालिकामा अलपत्र परेका कञ्चनपुरका २१ वर्षीय सागर कार्कीलाई पनि शनिबार हेलिकप्टरमार्फत मार्तडी ल्याइएको थियो।
१६ कात्तिक, बाजुर । बाजुराको बडीमालिकामा ज्यान गुमाएका युवकको शव हेलिकप्टरमार्फत उद्धार गरिएको छ । कञ्चरनपुरको बेदकोट नगरपालिकाको दैजी घर भएका २० वर्षका मनिष बोहराको शव सोमबार नेपाली सेनाको हेलिकप्टरमार्फत सदरमुकाम मार्तडी ल्याएको हो ।
बडीमालिकामा भारी हिमपातपछि गत शुक्रवारदेखि सम्पर्कविहीन भएका बोहरा आइतबार दिउँसो त्रिवेणी पाटन नजिकै मृत अवस्थामा फेला परेका थिए ।
जिल्ला प्रहरी कार्यालय प्रमुख (डीएसपी) शैलेश्वरी बोहराकाअनुसार मृतक बोहराको शव उद्धार गरी पोष्ट मार्टमका लागि जिल्ला अस्पताल लगिएको छ । बडीमालिका माताको दर्शनसँगै घुम्न गएका बोहरा सम्पर्कविहीन भएपछि आइतबार बिहान नेपाल प्रहरी र सशस्त्र प्रहरी बलको टोली खोजी कार्यका लागि खटिएको थियो ।
चार हजार दुई सय मिटर उचाइमा अवस्थित बडीमालिकामा हिमपातपछि अत्याधिक चिसाको कारण लेक लागेर ज्यान गएको हुन सक्ने प्रहरीको अनुमान छ । उद्धारका लागि हेलिकप्टर मार्फत २ जना नेपाल प्रहरी र २ जना सशस्त्र प्रहरीलाइ त्रिवेणी छोडेको थियो । उनिहरुले आइतवार शब फेला पारेका थिए । हेलिकप्टर आउन ढिलाइले सोमबार मात्र उद्धार भएको थियो ।
यस्तै, यसअघि हिमपातपछि बडीमालिकास्थित त्रिवेणी पाटनमा अलपत्र परेका कञ्चनपुरको कृष्णपुर नगरपालिका—२ बस्ने २१ वर्षका सागर कार्कीको शनिवार दिउँसो हेलिकप्टरमार्फत उद्धार गरी मार्तडी ल्याइएको थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4