News Summary
Generated by OK AI. Editorially reviewed.- सरकारले १ मंसिरदेखि काठमाडौं उपत्यकामा ‘पशु वधशाला र मासु जाँच ऐन २०५५’ पूर्णरूपमा लागू गर्ने भएको छ ।
- ललितपुर प्रशासनले जिल्लाभरका मासु पसल, पशु वधस्थल र वधशालालाई मापदण्ड पूरा गरेर सञ्चालन अनुमति लिन निर्देशन दिएको छ ।
- १ मंसिरपछि मापदण्डविपरीत वा अनुमतिविना सञ्चालन भएका व्यवसायमाथि कानुनी कारबाही हुने सरकारले बताएको छ ।
१८ कात्तिक, काठमाडौं । सरकारले उपभोक्तालाई स्वच्छ र स्वस्थ मासु उपलब्ध गराउने उद्देश्यले आगामी १ मंसिरदेखि काठमाडौं उपत्यकामा ‘पशु वधशाला र मासु जाँच ऐन २०५५’ पूर्णरूपमा लागु गर्न लागेको छ ।
यसै सन्दर्भमा जिल्ला प्रशासन कार्यालय ललितपुरले आफ्ना जिल्लाभरि सञ्चालित मासु पसल, पशु वधस्थल तथा वधशालाहरूलाई अनिवार्य मापदण्ड पूरा गरी सञ्चालन अनुमति लिन निर्देशन दिएको छ ।
ललितपुरका सहायक प्रमुख जिल्ला अधिकारी नरेन्द्र परियारले काठमाडौं उपत्यकाका सबै स्थानीय तहमा उक्त ऐन लागु गर्ने सरकारको निर्णय कार्यान्वयनका लागि यो कदम चालिएको बताए ।
प्रशासनले ललितपुर जिल्लाभित्र मासु व्यवसाय र वधशाला सञ्चालन गरिरहेका सम्पूर्ण सरोकारवालालाई सम्बन्धित निकायबाट अनिवार्य सञ्चालन अनुमति लिन र कानुन बमोजिम मापदण्ड पूरा गरेरमात्र व्यवसाय सञ्चालन गर्न सूचित गरेको छ ।
१ मंसिरपछि मापदण्ड विपरीत वा अनुमतिविना सञ्चालन भएका व्यवसायमाथि कानुनी कारबाही हुने सरकारले बताउँदै आएको छ ।
नयाँ नियम र मापदण्डका विषयमा थप जानकारी आवश्यक परे पशु सेवा कार्यालय लगनखेल (ललितपुर) मा सम्पर्क गर्न सकिने प्रशासनले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4