News Summary
Generated by OK AI. Editorially reviewed.- मंसिर मसान्तभित्र सूचीकृत ८ कम्पनीका सामूहिक लगानी कोष, संस्थापक, कर्मचारी र प्रभावित स्थानीयका सेयरमा लकइन अवधि सकिने भएको छ ।
- लकइन अवधि सकिएपछि ती सेयर बजार मूल्यमै किनबेच गर्न मिल्ने र आपूर्ति बढेर मूल्य घट्ने जोखिम रहनेछ ।
- याम्बलिङ, भिजन लुम्बिनी, टक्सार पिखुवाखोला, स्नो रिभर्स, मुक्तिनाथ कृषि, नेपाल वेयरहाउजिङ, कालंगा र सानीगढ हाइड्रोका सेयरमा लकइन सकिने मिति सार्वजनिक भएको छ ।
२२ कात्तिक, काठमाडौं । मंसिर मसान्तभित्र सूचीकृत ८ कम्पनीका सेयरमा विभिन्न पक्षको लकइन अवधि सकिने भएको छ ।
सामूहिक लगानी कोष, संस्थापक, कर्मचारी तथा प्रभावित स्थानीयको सेयरमा लकइन अवधि रहने गरेको छ । यस्तो सेयरमा लकइन अवधि सकिएपछि बजार मूल्यमै किनबेच गर्न बाटो खुल्छ । जसले बजारमा आपूर्ति बढ्ने र मूल्य घट्न सक्ने जोखिम रहन्छ ।
लकइन अवधि सकिनुभन्दा १ महिना अगाडि सार्वजनिक सूचना जारी गरेर जानकारी गराउनुपर्ने व्यवस्थाअनुरुप कम्पनीहरूले सार्वजनिक सूचनामार्फत जानकारी गराउँदै आएका छन् ।
सेयर सर्वसाधारणमा बाँडफाँट भएको मितिले सामुहिक लगानी कोषका हकमा ६ महिना, स्थानीय तथा संस्थाकका हकमा ३ वर्षसम्म सेयरमा लकइन रहने गरेको छ ।
मंसिर मसान्तभित्र विभिन्न पक्षले होल्ड गरेको सेयरमा लकइन अवधि सकिने ८ कम्पनीमा याम्बलिङ हाइड्रोपावर, भिजन लुम्बिनी ऊर्जा, टक्सार पिखुवाखोला हाइड्रोपावर, स्नो रिभर्स, मुक्तिनाथ कृषि कम्पनी, नेपाल वेयर हाउजिङ कम्पनी, कालंगा हाइड्रोपावर र सानीगढ हाइड्रो रहेका छन् ।
कुन कम्पनीका सेयरमा कहिले सकिँदैछ लकइन ?
याम्बलिङ हाइड्रोपावरमा म्युचुअल फन्डले होल्ड गरेको १ लाख ५ हजार कित्ता सेयरमा कात्तिक २९ गते लकइन अवधि सकिँदैछ ।
त्यस्तै भिजन लुम्बिनी ऊर्जाको सेयरमा संस्थापकबाट होल्ड भएको १ करोड ५३ लाख कित्ता, प्रभावित स्थानीयको १४ लाख २४ हजार ५९० कित्ता र कर्मचारीको ३८ हजार २५० कित्ता गरी कुल १ करोड ६७ लाख ६२ हजार ८४० कित्ता सेयरमा मंसिर ४ गते लकइन अवधि सकिँदैछ ।
टक्सार पिखुवाखोला हाइड्रोपावरमा म्युचुअल फन्डले होल्ड गरेको १ लाख ४९ हजार ३२ कित्ता सेयरमा लकइन अवधि मंसिर ५ गते सकिँदैछ ।
स्नो रिभर्समा म्युचुअल फन्डकै होल्डिङ ४६ हजार ८७५ कित्ता सेयर मंसिर ११ गते लकइन अवधि सकिँदैछ ।
मुक्तिनाथ कृषि कम्पनीमा संस्थापकको ६० लाख ४८ हजार कित्ता तथा कर्मचारीको ४५ हजार ३६० कित्तासहित कुल ६० लाख ९३ हजार ३६० कित्ता सेयरमा लकइन अवधि मंसिर १८ गते सकिँदैछ ।
नेपाल वेयरहाउजिङ कम्पनीमा संस्थापकको ५५ लाख तथा कर्मचारीको २७ हजार ५ सय कित्ता सेयरमा मंसिर १९ गते लकइन अवधि सकिँदैछ ।
कालंगा हाइड्रोपावरको सेयरमा म्युचुअल फन्डको १ लाख ७५ हजार कित्ता सेयरमा मंसिर २६ गते लकइन अवधि सकिँदैछ ।
त्यस्तै सानीगढ हाइड्रोको सेयरमा म्युचुअल फन्डको २ लाख ८५ हजार कित्ता सेयरमा मंसिर २९ गते लकइन अवधि सकिने भएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4