२६ कात्तिक, काठमाडौं । बढ्दो आवास लागत र मुद्रास्फीतिको विरोधमा स्पेनमा १४ वर्षमा पहिलो पटक आम हडतालको क्रममा बार्सिलोनामा नकाबधारी समूह र प्रहरीबीच झडप भएको छ।
देशका प्रमुख श्रमिक संगठनहरूको आह्वानमा भएको हडतालमा राजधानी म्याड्रिडमा करिब १ लाख २० हजार र बार्सिलोनामा ५० हजारभन्दा बढी मानिसहरूले प्रदर्शनमा भाग लिएका थिए।
बार्सिलोनामा, नकाबधारी व्यक्तिहरूले फोहोरको डिब्बामा आगो लगाउनका साथै पसलहरू तोडफोड गरेका थिए । प्रदर्शन उग्र बनेपछि प्रहरीले अश्रुग्यास प्रहार गरेको थियो ।
गृह मन्त्रालयका अनुसार छुट्टाछुट्टै घटनामा दर्जनौं मानिसहरूलाई पक्राउ गरिएको छ।
हडतालका कारण स्पेनभरि यातायात र अन्य सार्वजनिक सेवाहरूमा अवरोध उत्पन्न भएको छ भने म्याड्रिड र बार्सिलोनाका धेरै मुख्य सडकहरूमा यातायात अवरुद्ध भएको छ।
बार्सिलोनामा भएको विरोध प्रदर्शन प्रायः शान्तिपूर्ण थियो । प्रदर्शनमा बालबालिका र वृद्धवृद्धाहरू पनि समावेश थिए।
विरोध प्रदर्शनमा सहभागी ३७ वर्षीया शिक्षिका ओल्गा डोमिङ्गोले आफ्नो तलबको तुलनामा चालू खर्चले बाँच्न गाह्रो भएको बताइन्।
स्पेनमा नोभेम्बर २९ मा संसदीय चुनाव हुँदैछ । प्रधानमन्त्री पेड्रो सान्चेजले आफ्नो आवास सुधार योजना संसदीय स्वीकृति प्राप्त गर्न असफल भएपछि गत महिना नै समयपूर्व चुनावको घोषणा गरेका थिए।
सान्चेज र उनका मन्त्रीहरूले मानिसहरूलाई काम रोक्न र किफायती आवासको माग गर्न प्रोत्साहित गरेका छन्।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4