२९, मंसिर, सल्यान । सल्यानमा भएको जीप दुर्घटनामा एक जनाको मृत्यु भएको छ । १२ जना घाइते भएका छन् ।
दाङको तुलसिपुरबाट सल्यान रीम आउँदै गरेको जीप आइतबार साँझ सात बजेको समयमा दुर्घटना भएको हो । दुर्घटनामा परी रीम चार सल्यानका खगीलाल खड्काको मृत्यु भएको जिल्ला प्रहरी कार्यालय सल्यानले जनाएको छ ।
दुर्घटनामा परी गम्भीर घाइते भएका चार जनालाई थप उपचारका लागि नेपालगञ्ज पठाइएको छ भने अन्यको अञ्चल अस्पताल तुलसीपुरमा उपचार भइरहेको छ ।
रा २ ज ५०६ नम्बरको यात्रुबाहक जीप दाङ सल्यान रुकुम सडक खण्ड अन्तर्गत कपुरकोट नजिक चोरखोला भन्ने स्थानमा सडकबाट करिव ७० मिटर तल छाँगामा खसेको छ ।
शंकर केसीबाट
