सोनाक्षीले पाइन् खत्तम अवार्ड

मुम्बई । वलिउडमा राम्रो काम गरेरमात्र अवार्ड पाइंदैन, खत्तम काम गरे पनि अवार्ड दिने चलन छ । यो बर्ष पनि खत्तम अवार्ड नायिका सोनाक्षी सिन्हाले नै पाएकी छिन् । लगातार तेस्रो पटक सोनाक्षीले खत्तम अवार्ड पाएकी हुन् । मुम्बईमा भएको ‘गोल्डेन केरा’ अवार्ड अन्तर्गत उनले यो अवार्ड पाएकी हुन् ।

सोनाक्षीले हिन्दी फिल्म ‘एक्सन ज्याक्सन’ मा अभिनय गरेवापत यो अवार्ड पाएकी हुन् । नायक अर्जुन कपुरले ‘गुण्डे’ वाट खराब नायकको उपाधि पाए । प्रभु देबाले ‘एक्सन ज्याक्सन’वाट खराब निर्देशकको अवार्ड पाए ।

सोही समारोहमा सबै भन्दा खराब फिल्मको अवार्ड साजिद खानको ‘हमशकल्स’ लाई दिईएको थियो । यो अवार्ड सुरु भएको सात वर्ष भयो । यसवर्ष खराब अवार्ड पाउनेहरु यस्ता छन् ।

खराब नायकः अर्जुन कपुर (गुण्डे)
खराब नायिकाः सोनाक्षी सिन्हा (एक्सन ज्याक्सन र होलिडे)
खराड डेब्युः टाईटर श्राफ (हिरोपन्ती)
खराब निर्देशकः प्रभु देवा (एक्सन ज्याक्सन)
खराब फिल्मः हमसकल्स
खराब गीतः ब्लू है पानी पानी (यारिया)
सबै भन्दा धेरै विवादास्पद फिल्मः पिके