४३ वर्ष लागे करण जौहर, जान्नुहोस् उनका रहस्य

कुछ कुछ होता है, कभी खुसी कभी गम जस्ता चर्चित चलचित्र बनाएका करण जौहर ४२ वर्ष पूरा भएर ४३ लागेका छन् । हालै खलनायकको भूमिकामा ‘बम्बे ब्यालेट’ मा अभिनय गरेका उनले खलनायक भएर कमाल गर्न भने सकेनन् ।

तर, पनि उनलाई सर्वगुण सम्पन्न ब्यत्तित्व भनिन्छ । बलिउडमा ५ सर्वगुण सम्पन्न ५ अवतार भएको ब्यक्ति मानिन्छन् उनी । यस्ता छन् उनका केही रहस्य ।

निर्देशकः करण जौहरको सबै भन्दा सफल अवतार हो निर्देशन । कुनै बेला हिरो बन्ने इच्छा राख्ने यी हँसीला निर्देशक केही लजालु पनि छन् । उनमा भएको लजालु प्रबृत्तिकै कारण क्यामेरा अगाडी काम गर्न नसकेको भन्नेहरु धेरै छन् ।

बलिउडमा उनको सुरुवाती सहायक निर्देशकवाट भएको थियो । सन १९९५ मा उनले आदित्य चोपडाको फिल्म ‘दीलवाले दुल्हनीया ले जायेंगे’ मा सहायक निर्देशक भएर काम गरेका थिए ।

अभिनेताः धेरैलाई थाह होला उनले अभिनय पनि ‘दीलवाले दुल्हनीया लेजाएंगे’ वाटै गरेका थिए । उक्त चलचित्रमा उनले शाहरुख खानको साथीको भुमिका निर्वाह गरेका छन् ।

तर, उनले अभिनयलाई निरन्तरता दिन चाहेनन् । ओम शान्ति ओम, फेशन लगायतका फिल्ममा अतिथी कलाकार भएर अभिनय गरेका छन् ।

कष्ट्युम डिजाइनरः थोरै मान्छेलाई मात्रै थाह छ करण कष्ट्युम डिजाईनर पनि हुन् । प्राय कालो र गहिरो रंगको कपडामा देखिने करणले आफ्ना मित्र शाहरुख खानको केही फिल्ममा ड्रेस डिजाईन गरेका छन् ।

कुनै पनि फेशनको लेटेष्ट डिजाईनका विषयमा चासो राख्ने करणले डीडीएलजे, दील तो पागल है, डुब्लीकेट्स, मोहब्बतें, वीर जारा लगायतका फिल्ममा डे्रस डिजाईन गरेका छन् ।

कार्यक्रम प्रस्तोताः करण जौहरले पहिलो पटक सन २००४ मा टेलिभिजन शो ‘कफी वीथ करण’ सुरु गरे । उक्त कार्यक्रममा फिल्मक्षेत्रका सबै हस्ती सहभागी छन् ।

यो शो यसकारण पनि चर्चित भएको धेरै गशिप यही कार्यक्रमवाट जन्मिए । त्यसो त उनले रियालिटी शो ‘इण्डियाज गट ट्यालेण्ट’ मा पनि जजको भुमिका निर्वाह गरेका छन् ।

कोरियोग्राफरः उनी एउटा कुशल कोरियोग्राफर पनि हुन् । सन २०१२ मा ‘स्टुडेण्ट अफ द इयर’ मा करणले कोरियोग्राफरको भुमिका निर्वाह गरेका छन् । यस फिल्मको लोकप्रिय गीत ‘राधा’ को डान्स स्टेप करणले नै सिकाएका थिए ।