८ भदौ, गोरखा । अवैध सालको गोलिया ओसारपसारमा संलग्न रहेको अभियोगमा गोर्खाको हर्मी भन्ज्याङबाट प्रहरीले ४ जनालाई आइतबार नियन्त्रणमा लिएको छ ।
पक्राउ पर्नेमा पालुङटार नगरपालिका- १ का सुन्दर लामा, मती घले, अर्पित गुरुङ र वडा-१० का अमित लामा रहेका छन् ।
ट्याक्टरमा काठ ओसारपसार गर्दै गर्दा सिरानचोक गाउँपालिका-३ को हर्मी भन्ज्याङबाट उनीहरुलाइ नियन्त्रणमा लिइएको डीएसपी महेन्द्र नेपालले जानकारी दिए ।
काठ बोक्ने ग.१त. ३७२६ नम्वरको ट्याक्टर र ना १९ प ६२०९ नम्वरको मोटरसाइकललाई पनि बरामद गरेको उनले बताए ।
पक्राउ परेका चारै जना र बरामद गरिएको ४९ क्यू फिट काठबारे आवश्यक अनुसन्धान भइरहेको वन अधिकृत तोयनाथ पौड्यालले बताए ।