AAHA RARA Pokhara Gold Cup 
2025

आहारारा पोखरा गोल्डकपको २४ औं संस्करण माघ २२ देखि फागुन ३ गतेसम्म पोखरा रंगशालामा हुनेछ । मोफसलकै प्रतिष्ठित यस नकआउट फुटबल प्रतियोगितामा यस पटक ३ विदेशी सहित १२ टोलीले प्रतिस्पर्धा गर्नेछन् । जसमा साविक विजेता त्रिभुवन आर्मीएफसीसहित ए डिभिजनका ७ क्लब, बी डिभिजनका १ क्लब, आयोजक सहारा क्लब र तीन विदेशी क्लब छन् ।

त्रिभुवन आर्मीसहित नेपाल पुलिस क्लब, एपीएफ, थ्री स्टार, चर्च ब्वाइज युनाइटेड, मछिन्द्र एफसी, संकटा एफसी, एनआरटी, सहारा क्लब, ब्रिगेड ब्वाइज क्लब युके, थण्डरबोल्ट नर्थ युनाइटेड, भारत र ब्ल्याक बुल्स, उज्बेकिस्तान छन् । आहाराराको सफल टोली मनाङ मर्स्याङ्दी क्लब भने यस पटक सहभागि छैन ।

प्रतियोगिताको विजेतालाई ट्रफीसहित नगद १२ लाख १ हजार र उपविजेतालाई ६ लाख १ हजार नगद पुरस्कार प्रदान गरिनेछ ।

आहारारा पोखरा गोल्डकपको २४ औं संस्करणमा प्रि क्वाटर र क्वाटरफाइनल खेलमा साधारणतर्फ १०० र भिआइपीतर्फ २०० तथा सेमिफाइनल खेलमा २०० र भिआईपीतर्फ ४०० र फाइनल खेलको ३०० र भिआईपीर्फ ५०० दरको टिकट कायम गरिएको छ ।

‘खेलकुदको विकासमा सहकार्य गरौं, पोखरालाई खेलकुद पर्यटन शहरको रुपमा स्थापित गरौं’ भन्ने उद्देश्यका साथ आयोजित मोफसलको बहुप्रतिष्ठित यस प्रतियोगितामा चर्चित राष्ट्रिय तथा अन्तर्राष्ट्रिय क्लबहरु आमन्त्रित गरेर स१चालन गरिँदै आएको छ ।

२४ वर्षदेखि निरन्तर सञ्चालनमा भइरहेको आहारारा पोखरा गोल्डकपबाट वचत हुने रकम क्लबबाट संचालित सूर्य बहादुर केसी स्मृति सहारा फुटबल एकेडेमीमा खर्च गरिनेछ ।

खेलतालिका