आज प्रतिस्पर्धात्मक कार्यमा आफ्नो जित हुनेछ ।राजनैतिक र सामाजिक कार्यमा सफलता मिल्नेछ । प्रतिष्ठित काम गर्ने मौका छ । आफन्त र साथीभाइबाट सहयोग तथा हौसला प्राप्त हुनेछ । मनोरञ्जनमा सहभागिता भइएला । आज हनुमानजीलाई स्मरण गरी कार्य प्रारम्भ गर्दा अधिक सफलता मिल्नेछ ।

कन्या राशिका जातकका लागि यस महिना समग्रमा सकारात्मक रहनेछ । पारिवारिक सुख मिल्नुका साथै रमाइला तथा सुखद् यात्राका अवसर प्राप्त हुनेछन् । शैक्षिक क्षेत्रमा सामान्य सफलता मिल्नेछ । वरिष्ठ तथा प्रभावशाली व्यक्तिहरूले तपाईंको मेहनतको प्रशंसा गर्नेछन् । कला तथा वाणीको प्रभाव क्रमशः बढ्दै जानेछ । कूटनीतिक तथा सम्बन्धित निकायबाट सहयोग प्राप्त हुनसक्छ । व्यापार–व्यवसायबाट आम्दानी बढ्नेछ । कुनै शुभकार्य गर्नुअघि विघ्नहर्ता गणेशजीको दर्शन गरी कार्य आरम्भ गर्दा अझ बढी सफलता प्राप्त हुनेछ ।

-ज्योतिषाचार्य / वास्तुविद्
पण्डित नारायणप्रसाद दुलाल

राशिफल भाग्य हेर्ने मात्र होइन, दिशा बनाउने हो । जो अनुशासित, साहसी र स्पष्ट छ- असोज उसकै हुन्छ । आफ्नो इमानदारिता, मेहनेत, कर्तव्य र सत्कर्म गर्नाले पनि आउने दिनहरू अवश्य राम्रा हुनेछन् । यस्तै अन्य जानकारीको लागि ओके धर्मसंस्कार हेर्दै गर्नुहोला धन्यवाद ।

कन्या राशि हुनेहरूका लागि यो वर्ष राम्रै फल मिल्नेछ । बृहस्पति र राहुको कारण जातकहरूलाई यश, कृति, लाभ, विजय, वाक्सिद्धि हुने र आफन्तको सहयोग मिल्नेछ । विद्या र बुद्धिको विकास हुने र चमत्कारी ढङ्गले सफलता दिलाउनेछ ।

शनि र केतुको कारणले गरेको कार्यमा उल्झन, ढिलासुस्ती, काम बिग्रने र चोटपटकको भय रहनेछ ।, तर जन्मकुण्डलीमा ग्रह राम्रो अवस्थामा भए शुभ फल मिल्नेछ । यो वर्ष व्यापार व्यवसायबाट त्यति राम्रो नहोला । वैदेशिक क्षेत्रको लगानी वा व्यापारमा नोक्सानी हुनसक्छ । एजेन्ट, सजावटी, जग्गा जमिन र मोटरगाडीबाट भने लाभ मिल्नेछ ।
सेयर बजार अन्तर्गत बिमा क्षेत्रबाट राम्रो आम्दानी हुनेछ । आर्थिक दृष्टिले साउन, मङ्सिर र फागुन महिनामा बढी लाभ हुनेछ । प्रेम र मित्रताको बन्धन सामान्य रहनेछ । दाम्पत्य जीवनमा असमझदारी बढ्न सक्छ । पुराना र टाढिएका मित्रसँग गोपनीय ढङ्गले सामीप्यता भने बढ्नेछ ।

शनि कमजोर रहने जातकहरूलाई वाणीमा लगाम लगाउन आवश्यक देखिन्छ, अन्यथा जुनसुकै सम्बन्ध पनि बिग्रन सक्छ । अध्ययन र अध्यापन अधुरै रहनसक्छ । प्राविधिक र सामाजिक विषयका विद्यार्थीहरूलाई बढी सफलता मिल्नेछ । भाषा र स्वास्थ्य विषय कमजोर हुनेछ ।

वैदेशिक क्षेत्रमा रहेका विद्यार्थीहरूलाई पनि यो वर्ष त्यति राम्रो देखिन्न, अत: विद्यामा सफलता पाउन बढी मिहिनेत गर्नु पर्नेछ । सञ्चार, विलासिता तथा मनोरञ्जन पेशामा आवद्ध व्यक्तिहरूलाई भने बढी सफलता मिल्नेछ । पर्यटन र कृषिको लगानीमा भने झमेला र समस्या बढ्न सक्छ ।

यो वर्ष स्वास्थ्यमा उतार चढाव आउन सक्छ । नयाँ रोग देखा पर्नाले अस्पतालको यात्रा गर्नु पर्ला, त्यसैले खानपिनमा सावधानी र नियमित व्यायाम गर्नु बुद्धिमानी हुनेछ । नसा तथा प्रजननमा पनि सामान्य समस्या बढ्न सक्छ ।

प्रत्येक मङ्गलबार हनुमानजीको दर्शन, पूजा र उपासना गर्नाले ग्रह पीडा कम भई समृद्धि मिल्नेछ । असहायलाई खुसी पार्नसके आकस्मिक सफलताहरू मिल्नेछन् । आफ्नो जन्मबार शाकाहारी भोजन र रोगीहरूको उपकार गर्नाले पनि सफलता मिल्नेछ ।