आज अरूलाई प्रभावित पारेर काम बन्नेछ । आत्मविश्वास र पराक्रममा वृद्धि हुनेछ । आफ्नै दक्षतामा विभिन्न कार्यहरू सम्पन्न हुनेछन् । कृषि कार्यमा पनि सफलता मिल्नेछ । मनमा हर्ष, उमङ्ग र उत्साह छाउनेछ । कुनै शुभकर्म गर्नु पूर्व वा यात्रामा जानु अघि शिवजीलाई स्मरण गरी कार्य प्रारम्भ गर्दा बढी राम्रो हुनेछ ।

माघ महिनामा मनोकामना पूरा हुने सङ्केत छन् । अधुरा कार्यहरू सम्पन्न हुनेछन् । आर्थिक समस्यामा सुधार आउनेछ । धार्मिक वा आध्यात्मिक झुकाव बढ्नेछ । प्रेम र दाम्पत्य जीवनमा सुख शान्ति रहनेछ । कसैकसैका लागि सन्तान प्राप्तिको समेत योग छ । लामो यात्रा सुखद् र सफल हुनेछ । जिम्मेवारी बढे पनि सफलता सुनिश्चित रहनेछ । कुनै शुभकर्म गर्नु पूर्व वा यात्रामा जानु अघि शिवजीको स्मरण गरी कार्य आरम्भ गर्दा अधिक लाभ हुनेछ ।

कर्कट राशि हुनेहरूका लागि २०८२ सालको सुरुवाती समयमा बृहस्पति र केतुको अनुकुलताले पद प्रतिष्ठा र आर्थिक पक्ष राम्रो हुने र मनोवाञ्छित फल मिल्नेछ । जेठ पछिको समय भने त्यति राम्रो नहोला । दुख, कष्ट भोग्नुपर्ने, मानसिक चिन्ता, इज्जत र प्रतिष्ठामा ह्रास आउनसक्छ ।

शत्रु बढ्ने र अनावश्यक झमेलामा पर्न सकिनेछ, तर राम्रो कर्म गरे अवश्य शुभ फल पाइनेछ । यो वर्ष आर्थिक धन फस्न सक्छ भने सेयरबजार, शिक्षाक्षेत्र तथा बिमा क्षेत्रमा गरिएको लगानीले त्यति राम्रै फल नदेला । धातु र स्वास्थ्यमा गरेको लगानीबाट भने राम्रै फल पाइनेछ ।

आर्थिक दृष्टिले बैशाख, जेठ र कार्तिक महिना शुभ रहनेछ । प्रेम सम्बन्ध र दाम्पत्य जीवनमा मतभेद र विश्वासमा कमी देखिनसक्छ । पैसाको कारणले आफन्त र नजिकका व्यक्तिबाट टाढिनु पर्ला । वर्षको अन्त्यमा भने प्रेम सम्बन्ध सुमधुर हुनेछ र घरपरिवारबाट टाढिएकाहरू नजिकिनेछन् ।

सन्तानको रहर गर्नेहरूले सन्तान सुख मिल्ने सम्भावना पनि रहेको छ । अध्ययन र अध्यापन सामान्य नै रहनेछ, तर वर्षको सुरुवाती समयमा बृहस्पतिको अनुकुलताले पद प्रतिष्ठा र कतै नाम निकाल्न सहज हुनेछ । असार महिना पछि भने व्याक लागेका विद्यार्थीहरूले सम्बन्धित विषयमा उत्तीर्ण गर्न समस्या आउन सक्छ ।

शोध र टेक्निकल क्षेत्रका विद्यार्थीहरूलाई विशेष सफलता मिल्नेछ । पढाईको सिलसिलामा विदेश जानेले भने राम्रो सफलता पाउनेछन् । यसपालि नयाँ लगानी, जागिर वा रोजगारले खासै राम्रो फल नमिल्ला । वैदेशिक रोजगारमा रहेकाहरूलाई भने यो वर्ष सफलता मिल्नेछ ।

जागिरेलाई सरुवा र बढुवाको सम्भावना पनि प्रबल छ । यो वर्ष चोटपटकको भय रहेको छ, हात गोडामा चोट लाग्न सक्छ । मानसिक, टाउको तथा ग्यास्टिक रोगले सताउन सक्छ र औषध उपचारमा खर्च बढ्नेछ ।

प्रत्येक बिहीबार या एकादशीको दिन विष्णु भगवानको पूजा, पाठ र उपासना गर्नाले ग्रहपीडा कम हुने र भाग्यमा वृद्धि हुनेछ । प्रत्येक दिन मातापिता तथा पितृ देवताको आशीर्वाद लिनाले अधिक सफलता मिल्नेछ । वर, पिपल वा अन्य वनस्पतिहरूको वृक्षारोपण गर्नाले पनि ग्रहबाधा कम हुने र भाग्यमा वृद्धि हुनेछ ।