निर्णय कार्यान्वयन हुन सक्दैनन् । आफ्नो विचार विपरित निर्णय हुनेछ । नजिकका व्यक्तिबाट काममा बाधा आउला । आत्मबलमा कमी आउनेछ । महत्त्वपूर्ण कार्यमा व्यवधान आइपर्ला । सौन्दर्यतामा धन खर्च हुनेछ । सरकारी निकायको भय रहला । बजारको लगानी कमजोर हुनसक्छ । कुनै कार्य गर्नु पूर्व नवग्रहलाई स्मरण गरी कार्य प्रारम्भ गर्दा राम्रो हुनेछ ।

माघ महिना इच्छा र आकाङ्क्षा पूर्ण हुने भएको छ । नयाँ अवसर प्राप्त हुने सङ्केत देखिन्छ । सामाजिक तथा मित्रवत् भेटघाटले मन प्रसन्न रहनेछ । प्रेम सम्बन्धमा आपसी समझदारी बढ्नेछ । नयाँ व्यक्ति बिच सामीप्यता बढ्नेछ । आर्थिक कारोबारमा सुधार आउनेछ । महिनाको उत्तरार्धबाट मानसिक चिन्ता बढ्ला । शेयर बजारबाट नोक्सानी पनि हुनसक्छ । कुनै शुभकर्म गर्नु पूर्व वा यात्रामा जानु अघि आफ्नो पितृदेवताको स्मरण गरी कार्य आरम्भ गर्दा अधिक लाभ मिल्नेछ ।

मकर राशि हुनेहरूका लागि २०८२ साल सुखदायी नै रहनेछ । शनिको अनुकुलताले वर्ष भरीनै राम्रो फल मिल्नेछ । अधुरा कार्यहरू सम्पन्न हुँदै जानेछन् । साथै बृहस्पति र राहुको कारणले भने कार्यबाधा र बोलीको विपरित अर्थ लाग्न सक्छ, अत: वाणीमा लगाम लगाउन आवश्यक छ ।

चोटपटकको भय रहने, विद्या र बुद्धि पनि ह्रास आउनसक्छ । यो वर्ष नयाँ काम को थालनी हुनेछ । आर्थिक पक्ष सबल नै रहने देखिन्छ । पर्यटन, निर्माण र घरजग्गाको कारोबार फस्टाउनेछ । पुरानो ऋण तिर्न सकिनेछ, तर आय भन्दा व्यय बढ्नेछ । सेयर बजारको कारोबार भने सुझबुझमा भर पर्छ ।

प्राविधिक क्षेत्रमा गरेको लगानीबाट पनि राम्रो प्रतिफल पाइनेछ । असार, कार्तिक, मङ्सिर र चैत्र महिना शुभ रहनेछ । सबैसँगको सम्बन्ध सामान्य नै रहनेछ । पतिपत्नी या प्रेमी प्रेमिकाका बिच समझदारी बढ्ने र सम्बन्ध अझै प्रगाढ हुनेछ । शत्रुबाट छुटकारा पनि मिल्नेछ ।

वर्षको उत्तरार्धमा नयाँ प्रेम प्रसङ्गमा नपरेकै राम्रो हुनेछ, अत: विवाद बढ्न सक्छ र आफ्नो कार्य क्षेत्रका सहकर्मीसँग भने मनमुटाव बढ्नसक्छ । यो वर्ष पठनपाठनमा जाँगर बढ्नेछ । विशेषगरि कला, साहित्य र मनोरञ्जन विषयका विद्यार्थीहरूले उत्कृष्ट नतिजा पाउनेछन् । रोकिएका अधुरा विषयमा पनि उत्तीर्ण हुन सकिनेछ ।

वैदेशिक विद्यार्थीहरूले भने अलि बढी मिहिनेत र सङ्घर्ष गर्नु पर्ला । यो वर्ष वैदेशिक व्यापार या रोजगारीमा आफन्तको सहयोग पाइने छ । नयाँ ठाउँमा लगानीको अवसर मिल्नेछ । नयाँ कार्य, पद र प्रतिष्ठा समेत पाइनेछ ।

हार्डवेयर र स्वास्थ्य पेशामा आवद्ध व्यक्तिहरूको लागि निक्कै राम्रो हुनेछ । यो वर्ष रक्तचाप, हृदय र नशाको समस्या बढ्न सक्छ, अत: स्वास्थ्यप्रति सजग रहनु होला । छाला तथा प्रजनन समस्या हल हुनेछ ।

ग्रह पीडाबाट बच्न राहु र बृहस्पतिको शान्ति गर्दा राम्रो हुनेछ । भगवान श्रीकृष्ण र लक्ष्मीजीको दर्शन, पूजा, आरधना, पाठ गर्नाले राम्रो हुनेछ । सत् मार्गमा हिड्ने र सत्य बोल्नेलाई भगवानको आशीर्वाद प्राप्त भई भाग्यमा वृद्धि हुनेछ ।