आज आफन्तबाट साथ र सहयोग प्राप्त हुनेछ । सामूहिक तथा रमाइलो यात्रा सफल रहनेछ । शुभकार्य र सांस्कृतिक गतिविधिमा सहभागी हुने अवसर मिल्नेछ । सेयर बजारमा दीर्घकालीन लगानीका लागि उपयुक्त कम्पनी छनोट गर्नुहोला । भगवान् विष्णुप्रति आस्था राख्दै धैर्य र विवेकका साथ निर्णय लिनुहोला ।

कार्तिक महिनाको प्रारम्भमा प्रशंसकहरूबाट समेत आलोचना हुनसक्ने भएकाले बोली तथा व्यवहारमा विशेष सजग रहनुहोला । मान–सम्मानमा केही आघात पुग्नसक्ने तथा स्वास्थ्यमा प्रतिकूलता देखिनसक्नेछ । यद्यपि महिनाको उत्तरार्धमा रमाइलो यात्राको योग बन्नेछ । शैक्षिक क्षेत्रमा इच्छित प्रतिफल प्राप्त हुनेछन् । शेयर बजार तथा वैदेशिक क्षेत्रका कार्यमा समेत विशेष सफलता मिल्ने योग रहेको छ । शुभकार्य गर्नुअघि बगलामुखी देवीको स्मरण गरी कार्य आरम्भ गर्नाले अनुकूल फल प्राप्त हुनेछ ।

२०८२ सालमा मिथुन राशि हुने जातकहरूका लागि त्यति राम्रो नरहला । शनि, राहु र बृहस्पतिको नकारात्मकताले वर्ष भरिनै संघर्षमय हुनेछ । सन्तान टाढिनाले मन दुखि रहन सक्छ । प्रसाशनिक भय र मालसामान हराउन सक्छ ।

विश्वासिलो व्यक्तिसँगको सम्बन्धमा नचाहँदा नचाहँदै चिसोपना आउनसक्छ, तर भाद्रबाट भने धार्मिक यात्रा र मङ्गल कार्यको योग रहनेछ । यो वर्ष व्यापार व्यवसायमा लगानी गर्नु मध्यम नै रहने छ । प्रविधि, शैक्षिक क्षेत्र, खानेकुरा र शेयर कारोबार राम्रो रहने छैन । घर जग्गामा लागेकाहरूलाई भने त्यति राम्रो नरहला ।

आर्थिक दृष्टिले वैशाख, असोज र चैत्र महिना बलियो रहनेछ भने जेठ, कार्तिक र पुष महिना कमजोर रहनेछ । यो वर्ष प्रेममा परेका व्यक्तिहरूले आफ्नो सम्बन्धलाई विवाहमा परिणत गर्न सक्ने र घर परिवारको समर्थन पनि लिन सक्छन् । वैशाख र साउन महिनामा तपाईंलाई कसैले मन पराउन सक्छन् र टाढिएका मित्रसँग पुन: सम्बन्ध गाँसिन सक्छ, घरपरिवारसँग सम्बन्ध पनि बलियो नै हुनेछ ।

यो वर्ष अध्ययन र अध्यापनको लागि मध्यम रहेको छ । वैदेशिक क्षेत्रका शिक्षार्थीहरूलाई पनि राम्रै सफलता मिल्नेछ । स्वास्थ्य, प्राविधिक र इन्जिनियरिङका शिक्षार्थीहरूलाई अधिक राम्रो हुने र देश विदेशको यात्रा तय हुनेछन् । शिक्षक तथा सुरक्षा निकायका कर्मचारीहरूलाई सरुवा र बढुवा हुनसक्छ ।

वैदेशिक रोजगार र भने कमजोर हुनेछ । स्वास्थ्य सामान्य नै रहनेछ । घरपरिवारको औषध उपचारमाखर्च हुनसक्छ । नसा तथा हड्डीको समस्या बढ्न सक्छ, अत: आफ्नो स्वास्थ्यप्रति सतर्कता अपनाउनु उचित होला ।

गौ सेवा या वृद्धहरूलाई सहयोग गर्नाले मानसिक शान्ति मिल्नेछ । सोमबार शिवजीको दर्शन, पूजा र आरधना गर्नाले ग्रहपीडा कम हुनेछ । प्रत्येक दिन निमुखा प्राणी तथा चराचुरुङ्गीलाई खानेकुरा दिनाले पनि भाग्यमा वृद्धि हुनेछ ।