आज घरपरिवारको साथ र समर्थनले नयाँ ऊर्जा तथा आत्मविश्वास प्रदान गर्नेछ । काम गर्ने जोश, जाँगर र उत्साह बढ्ने भएकाले व्यावसायिक क्षेत्रमा उल्लेखनीय प्रगति गर्न सकिनेछ । लामो समयदेखि प्रयास गरिरहेको काममा राम्रो फड्को मार्ने अवसर प्राप्त हुन सक्छ । वैदेशिक क्षेत्रमा गरिएको लगानी लाभदायक बन्ने सम्भावना छ । परिवारको खुसीलाई प्राथमिकतामा राखेर अघि बढ्दा प्राप्त सफलताको आनन्द अझ गहिरो हुनेछ ।

कुम्भ राशिका जातकका लागि यस महिना स्वास्थ्य तथा सौन्दर्यसँग सम्बन्धित विषयमा धन खर्च हुने सम्भावना छ । सेयर बजारबाट अपेक्षित लाभ नपाइन सक्छ । महिनाको मध्यदेखि नसोचेको क्षेत्र वा स्थानबाट धन प्राप्त हुने सम्भावना छ । वरिष्ठ तथा प्रभावशाली व्यक्तिहरूले तपाईंको मेहनतको प्रशंसा गर्नेछन् । शुभ समाचार सुन्न पाइनेछ । शैक्षिक क्षेत्रमा सामान्य सफलता प्राप्त हुनेछ । कला तथा वाणीको प्रभाव बढ्दै जानेछ । कुनै शुभकार्य गर्नुअघि गणेशजीको दर्शन गरी कार्य आरम्भ गर्दा विशेष सफलता प्राप्त हुनेछ ।

-ज्योतिषाचार्य / वास्तुविद्
पण्डित नारायणप्रसाद दुलाल

राशिफल भाग्य हेर्ने मात्र होइन, दिशा बनाउने हो । जो अनुशासित, साहसी र स्पष्ट छ- असोज उसकै हुन्छ । आफ्नो इमानदारिता, मेहनेत, कर्तव्य र सत्कर्म गर्नाले पनि आउने दिनहरू अवश्य राम्रा हुनेछन् । यस्तै अन्य जानकारीको लागि ओके धर्मसंस्कार हेर्दै गर्नुहोला धन्यवाद ।

कुम्भ राशिका जातकहरूका लागि यो वर्ष मध्यम नै रहनेछ । बृहस्पतिले शुभ फल दिनेछ र नयाँ ठाउँमा प्रवेश हुन सकिनेछ, तर शनि र राहुले सकारात्मक फल नदेला । शनिको अन्त्य साढेसातीले गर्दा मनमा डर, काममा ढिलाई, आर्थिक उतारचढाव र नजिकका व्यक्तिसँग वादविवाद तथा दूरी बढ्न सक्छ ।

अनेकौँ तर्क, खुलदुली हुनेछ र ठोस निर्णय लिन नसकिएला । व्यापारीका दृष्टिले यो वर्ष सामान्य उतारचढाव हुनसक्छ, अत: धैर्यता आवश्यक छ । बृहस्पतिले गर्दा आस मारिसकेको र रोकिएका धन हात पर्न सक्छ । तरल घरजग्गा र सेयरबजारबाट सामान्य सफलता मिल्नेछ । कृषि र खाद्यान्नको कारोबारमा भने मन्दी आउनेछ । आर्थिक दृष्टिले वैशाख, साउन, र मङ्सिर महिना लाभदायक रहनेछ ।

यो वर्षको ग्रह गोचर हेर्दा तपाईंको प्रेम प्रसङ्गका लागि मध्यम नै रहनेछ । पुराना प्रेमी जोडीहरूको सम्बन्ध सुमधुर भएपनि पारिवारिक समर्थन नमिल्ला । दाम्पत्य जीवनमा भने आर्थिक असमझदारीले दूरी बढ्न सक्नेछ, तर पुराना सम्बन्ध र टाढिएका व्यक्ति नजिकै हुनसक्छन् । अन्य सम्बन्ध भने सामान्य रहेछ । यो वर्ष अध्ययन अध्यापनको क्षेत्रमा सुधार आउनेछ र मिहिनेत गरे अनुसार मात्र सफलता मिल्नेछ ।

भाषा, प्राविधिक तथा टेक्निकल विषयका विद्यार्थीहरूलाई अधिक सफलता मिल्नेछ । विदेश गएका विद्यार्थीहरूलाई भने अलि सङ्घर्ष गर्नु पर्नेछ । यो वर्ष आफ्नो कार्य क्षेत्रमा झमेला आउन सक्नेछ । उच्च पद, राजनेता र सरकारी कर्मचारीहरूले बढी सजगता अपनाउनु पर्नेछ ।

शनिको कारणले झुटा आरोप लाग्न सक्नेछ र कानूनी झमेला तथा राजनैतिक क्षेत्रमा पनि विविध समस्या र संघर्ष खेप्नु पर्ला । प्रजनन, आँखा र नसाको समस्या बढ्न सक्छ र दीर्घकालीन औषधि सेवनको सम्भावना रहन्छ ।

ग्रह पीडा कमगर्न शनि, राहु र केतुको ग्रह शान्ति गर्दा राम्रो हुनेछ साथै शनिबार देवी वा हनुमानजीको दर्शन, पूजा र व्रत बस्नाले पनि राम्रो हुन्छ । जन्मदिन वा शनिबार बरपिपलको वृक्षारोपण गर्दा भाग्यको बढोत्तरी हुने र गरेको कार्यबाट सफलता मिल्दै जानेछ । कुनै शुभ कर्म गर्नपूर्व या यात्रामा जानु अघि देवी वा हनुमानजीलाई स्मरण गरि कार्य गर्नाले राम्रो हुनेछ ।