आज कुनै पुरानो सम्बन्ध पुनः जीवित हुने वा विगतमा टाढिएका व्यक्तिसँग पुनः सम्पर्क हुने सम्भावना छ । लामो समयदेखि अधुरा रहेका कामहरू क्रमशः पूरा हुँदै जानेछन् र मनमा सन्तोष बढ्नेछ । विवेकपूर्ण निर्णय लिन सके आजका चुनौतीलाई पनि सकारात्मक अवसरमा बदल्न सकिनेछ । आफूभन्दा कमजोर वा आवश्यकतामा रहेका व्यक्तिलाई सकेको सहयोग गर्नु आजको दिनलाई अझ सार्थक बनाउनेछ ।

मीन राशिका जातकका लागि यस महिना धार्मिक तथा शुभकार्यमा सहभागी हुने अवसर प्राप्त हुनेछ । विभिन्न सभा–समारोहमा सहभागी हुने सम्भावना छ । जटिल ठानिएका कार्यहरू पनि सफलतापूर्वक सम्पन्न गर्न सकिनेछ । विवाद तथा प्रतिस्पर्धामा सफलता प्राप्त हुनेछ । लामो समयदेखि रोकिएका कार्यहरू पुनः सुरु हुनसक्छन् । कुनै शुभकार्य गर्नुअघि वा यात्रामा जानुअघि बगलामुखी देवीको ध्यान गरी कार्य आरम्भ गर्दा अत्यन्त लाभ प्राप्त हुनेछ ।

-ज्योतिषाचार्य / वास्तुविद्
पण्डित नारायणप्रसाद दुलाल

राशिफल भाग्य हेर्ने मात्र होइन, दिशा बनाउने हो । जो अनुशासित, साहसी र स्पष्ट छ- असोज उसकै हुन्छ । आफ्नो इमानदारिता, मेहनेत, कर्तव्य र सत्कर्म गर्नाले पनि आउने दिनहरू अवश्य राम्रा हुनेछन् । यस्तै अन्य जानकारीको लागि ओके धर्मसंस्कार हेर्दै गर्नुहोला धन्यवाद ।

मीन राशि हुनेहरूका लागि यो वर्ष भौतिक सुखमा बढोत्तरी हुनेछ । घर परिवारमा शुभ तथा मांगलिक माङ्गलिक कर्यक्रमको आयोजना हुने योग छ । बृहस्पतिले कीर्ति बढाउने र सुखको अनुभूति दिलाउनेछ ।

राजकीय पद प्रतिष्ठा प्राप्तिको योग पनि छ । शनिको मध्य साढेसातीको गोचरले भने चिन्ता, हानी, वाधा, ढिला सुस्ती र कार्यसम्पादनमा उल्झन, बेलाबेलामा मनमा दुविधा गराउनेछ । घर जग्गा, वाहन, लत्ता कपडा तथा स्वास्थ्य व्यवसायीलाई राम्रो फाइदा हुनेछ । तरल पदार्थ र वैदेशिक व्यवसायमा उल्झन र नोक्सानी पनि हुनसक्छ ।

शेयर बजार भने सुझबुझ र अनुभवमा भर पर्नेछ । पार्टनरसिपमा गरेको कार्यमा विवाद उत्पन्न हुन सक्छ अत: विचार पुर्याउनु पर्नेछ । आर्थिक दृष्टिले जेठ, भदौ, र माघ महिना राम्रो हुनेछ । यो वर्ष नयाँ प्रेम सम्बन्ध जोडिनेछ साथै प्रेम र मित्रताको बन्धन कसिलो हुने र प्रेम सम्बन्धलाई विवाहमा परिणत समेत हुन सक्छ ।

अन्य सम्बन्ध भने सामान्य रहनेछ । वर्षको सुरुको महिनामा शैक्षिक क्षेत्र कमजोर रहन सक्छ । जति पढे पनि स्मरण गर्न गाह्रो हुने र पढाईमा ध्यानाकर्षण नहोला । आई. टी. र शोध विषयका विद्यार्थीहरूले पढाईमा उत्कृष्ट नतिजा पाउनेछन् । कानून र वाणिज्य विषयका विद्यार्थीहरूको लागि भने यो वर्ष कमजोर हुनसक्छ ।

यो वर्ष लगानी गरेको ठाउँबाट त्यति लाभ नमिल्ला, अत: लगानी गर्नु पूर्व विचार गर्नु पर्छ । सरकारी जागिरेलाई सरुवा र बढुवाको योग भने छ । एजेन्ट, समाजसेवा तथा राजनैतिक क्षेत्रमा समय दिनेहरूले जनताको राम्रो समर्थन प्राप्त गर्नेछन् ।

यो वर्ष स्वास्थ्य सामान्य नै छ तर असार महिना बाट हड्डी, मानसिक, तथा छालासँग सम्बन्ध समस्या बढ्नसक्छ र आफ्नो हितैषीको औषध उपचारमा धन खर्च पनि बढ्नेछ । राम्रो स्वास्थ्यको लागि खानपिन र व्यायामको नियमित अभ्यास असहायलाई सहयोग गर्नाले गर्नु नै उपयुक्त हुनेछ ।

आफ्नो ग्रह पीडाबाट बच्न र भाग्यलाई अझै वृद्धि गराउनको लागि बिहीवार शिव भगवानको दर्शन / पूजा गरि कार्य गर्नाले र सत्वीक भोजन गर्नाले राम्रो हुनेछ । प्रत्येक सोमबार निमुखा प्राणीलाई खानेकुरा दिने,वृद्धजनलाई सहयोग गर्नाले पनि भाग्यमा वृद्धि हुनेछ ।