आज सवारी साधन प्रयोग गर्दा विशेष सावधानी अपनाउनु होला । चुनौतीको सामना पनि गर्नुपर्ला । अनावश्यक ठाउँमा धन खर्च होला । साँझमा भने सद्विचारले अभिप्रेरित हुनेहरूलाई बिस्तारै बढी लाभ मिल्नेछ । शुभकर्म गर्नु पूर्व वा यात्रामा जानु अघि गणेशजीलाई स्मरण गरी कार्य प्रारम्भ गर्दा अधिक सफलता मिल्नेछ ।

तुला राशिका जातकका लागि यस महिना मिश्रित फलदायी रहनेछ । सोचेअनुरूप कार्य सम्पन्न नहुँदा निराशा उत्पन्न हुनसक्छ । घर–परिवारमा सामान्य झैझमेला तथा मतभेदको अवस्था आउनसक्छ । आफ्नो अधिकार प्राप्तिका लागि केही संघर्ष गर्नुपर्नेछ । अनावश्यक तथा नियमित खर्चसमेत बढ्ने सम्भावना छ । महिनाको उत्तरार्धदेखि सही समयमा सही निर्णय लिन सकिनेछ । नयाँ तथा शुभकार्यको अवसरसमेत प्राप्त हुनेछ । कुनै शुभकार्य गर्नुअघि भगवान् श्रीकृष्णको स्मरण गरी कार्य आरम्भ गर्दा शुभ फल प्राप्त हुनेछ ।

-ज्योतिषाचार्य / वास्तुविद्
पण्डित नारायणप्रसाद दुलाल

राशिफल भाग्य हेर्ने मात्र होइन, दिशा बनाउने हो । जो अनुशासित, साहसी र स्पष्ट छ- असोज उसकै हुन्छ । आफ्नो इमानदारिता, मेहनेत, कर्तव्य र सत्कर्म गर्नाले पनि आउने दिनहरू अवश्य राम्रा हुनेछन् । यस्तै अन्य जानकारीको लागि ओके धर्मसंस्कार हेर्दै गर्नुहोला धन्यवाद ।

देवगुरु बृहस्पति र शनिको प्रभावले तुला राशिलाई यो वर्ष शुभ फल मिल्नेछ । अधुरा कार्यहरू पूरा हुनेछ । सुख सुविधामा बढोत्तरी हुनेछ भने राहु र केतुको प्रभावले भने अकस्मात् हानी नोक्सानी हुनसक्छ ।

चोटपटकको भय रहने, सम्पत्तिमा विवाद बढ्ने, शत्रु बढ्ने जस्ता नराम्रा फलको सामना गर्नु पर्ला । यो वर्ष आम्दानी बढ्नेछ । घरजग्गा र निर्माणको क्षेत्रमा गरिएको लगानीबाट राम्रो प्रतिफल पाइनेछ । शेयर बजारको लगानी पनि निकै राम्रो रहन सक्छ ।

विशेष गरि कृषि, पशु, शिक्षाक्षेत्र, सूचनाप्रविधि लगायतका व्यवसायमा लाभ मिल्नेछ, तर आफन्त सँगको आर्थिक लेनदेनको कारणले दूरी बढ्न सक्छ । आर्थिक दृष्टिले साउन, भाद्र, पौष र चैत्र महिना बढी राम्रो रहनेछ । प्रेमी वा प्रेमीकाको लागि यो वर्ष त्यति राम्रो छैन । सम्बन्ध कायम राख्न सहनशीलता हुन आवश्यक रहन्छ ।

विपरीत वर्ग प्रति आकर्षण पनि बढ्नेछ । आफ्नो कामको सिलसिलामा घर परिवारबाट टाढा हुनु पर्ने बाध्यता आउनसक्छ । यो वर्ष अध्ययन र अध्यापन को अधुरा काम र अधुरा विषय पूरा हुनेछ । अनुसन्धान र अध्यात्म क्षेत्रका विद्यार्थीले उच्च सफलता पाउनेछन् ।

गणित र व्यवस्थापन विषय भने कमजोर रहन सक्छ । धेरै मिहिनेत र सङ्घर्ष गर्नु परे पनि नयाँ रोजगार पाइनेछ । वैदेशिक क्षेत्रबाट पूर्ण सफलता मिल्नेछ । सरकारी जागिर खान खोज्ने हरूको लागि भने बढी मेहनेत गर्नु पर्नेछ ।

सामाजिक र राजनैतिक क्षेत्रमा आवद्ध जातकहरूलाई पनि अधिक सफलता मिल्नेछ । यो वर्ष स्वास्थ्यमा समस्या बढ्न सक्नेछ । आफ्नै सानो हेलचेक्र्याइँका कारणले ठुलो नोक्सानी बेहोर्नु पर्ला । प्रजनन र हड्डीमा समस्या देखिन सक्छ, तर नियमित खानपिन, व्यायाम र योग गर्नाले रोगहरू विस्तारै सुधार उन्मुख हुनेछन् ।

ग्रह पीडाबाट बच्न र शुभ फल प्राप्त गर्न सोमबार शिवजीको दर्शन / पूजा गरे चाँडै सफलता पाइनेछ । रोगी र असहायलाई सहायता गर्नाले ग्रह पीडा कम भई भाग्यमा वृद्धि हुनेछ । कुनै शुभ कर्म गर्नु पूर्व या यात्रामा जानु अघि शिव भगवानको स्मरण गर्नाले राम्रो हुनेछ ।