आज मेहनतले सपनाको जग बलियो बनाउनेछ । धर्मकर्म, परोपकार तथा समाजसेवामा रुचि बढ्नेछ । कुनै सुखद् घटनाले मनमा शान्ति छाउनेछ । वैदेशिक वा नयाँ स्थानमा लगानी गर्ने वातावरण बन्न सक्छ । भगवान् श्रीकृष्णप्रति श्रद्धा राख्दै कर्ममा विश्वास र प्रयासमा निरन्तरता दिनुहोला ।

कार्तिक महिनामा न्यायिक तथा कानुनी कार्यमा सफलता प्राप्त हुने योग रहेको छ । पारिवारिक जमघटले मन प्रसन्न बनाउनेछ । स्थिरता, धैर्यता र एकाग्रताका साथ कार्य गर्दा विशेष लाभ मिल्नेछ । महिनाको मध्यपछि पारिवारिक स्वास्थ्यमा समस्या आउनसक्ने भएकाले औषधोपचारमा खर्च बढ्न सक्छ । ऋण तथा स्वास्थ्यसम्बन्धी चिन्ता बढ्नसक्ने भएकाले आर्थिक व्यवस्थापनमा ध्यान दिनुहोला । प्रतिद्वन्द्वीहरूको संख्या बढ्नसक्ने समय भएकाले कार्यमा सजगता अपनाउनु आवश्यक छ । कुनै शुभकार्य गर्नुअघि हनुमानजीको स्मरण गरी कार्य आरम्भ गर्नाले सफलता प्राप्त हुनेछ ।

२०८२ साल धनु राशि भएका व्यक्तिहरूलाई सामान्य नै रहनेछ । बृहस्पतिको सकारात्मक प्रभावले राम्रो फल दिनेछ । अढैया शनिको कारण भने झुटा आरोप, वादविवाद, डर र चिन्ता बढ्न सक्छ, स्वास्थ्य प्रतिकूल रहनसक्छ तर जन्म कुण्डलीमा शनिग्रह राम्रो पोजिसन रहेमा शुभ फल पाइनेछ ।

अन्य ग्रहहरूले भने आफ्नो कर्म अनुसार फल दिनेछन् । यो वर्ष धनु राशिका जातकहरूलाई नोकरी तथा सामाजीक कामबाट लाभ मिल्नेछ । नयाँ ठाउँमा लगानीको अवसर मिल्नेछ । यदि जन्म कुण्डलीमा शनि ग्रह स्वगृही, उच्च, मित्रगृही छ भने शनिको कृपाले निर्माण, धातु, मेसिनरी, इलेक्ट्रोनिक र टेक्नोलोजी क्षेत्रबाट शुभ फल मिल्नेछ ।

प्रेम र मित्रताको बन्धनमा दूरी बढ्न सक्छ, साथै पुरानो र नयाँ सम्बन्धमा मनमुटाव आउने र आफन्त पनि टाढिन सक्छन् । अन्य सम्बन्ध सामान्य रहनेछ । अध्ययन र अध्यापनमा रूचि बढ्ने र सफलता मिल्नेछ । विद्या र बुद्धिको विकास हुनेछ । विदेशिएका विद्यार्थीहरूले भने स्वदेश भन्दा बढी सफलता हासिल गर्नेछन् ।

आर्किटेक्चर, विज्ञान र स्वास्थ्य क्षेत्रका शिक्षार्थीहरूलाई बढी सफलता मिल्नेछ । नयाँ रोजगार पाइने र ठाउँ परिवर्तनको योग रहेको छ । सरकारी पद र ठूला सङ्घ संस्थामा आवद्ध पनि हुन सकिनेछ । वादविवादमा भने नपरेकै जति हुनेछ, अन्यथा दुख पाइने र अपजस खेप्नु पर्ला ।

आफ्नो पेशाबाट राम्रो फाइदा मिल्नेछ तर, विपक्षी भने बढ्न सक्नेछन् । मानसिक चिन्ता, रक्त विकार र शीर्ष पीडाको भय पनि उत्तिकै रहनेछ । ग्यास्टिकको समस्या बढ्न सक्छ त्यसैले खानपिनमा विशेष ध्यान दिनु र व्यायाम गर्नु हितकर हुनेछ ।

मंसिर महिनाबाट स्वास्थ्यमा धननाश पनि हुन सक्छ । मङ्गलबार विघ्नहर्ता गणेशजी र शनिवार हनुमानजीको व्रत, दर्शन तथा पूजा गर्ने, गरिब तथा अपाङ्गहरूलाई सहयोग गर्ने साथै शनि ग्रहको शान्ति, जप, पाठ, पूजा र हवन आदि गराउनाले ग्रह पीडा कम भई अधिक सफलता मिल्नेछ । सत्कर्म गर्नेहरूलाई नवग्रहको कृपा सदैव रहिरहन्छ ।