OnlineKhabar.com

५२ वर्षीय छोराद्वारा २८ वर्षीय पितालाई दागबत्ति !

२०७० भदौ १८ गते ४:५३ मा प्रकाशित

सम्भवत पहिलोपटक ५२ बर्षका छोराले आफ्ना २८ बषिर्य बाबुलाई दागबत्ति दिन गइरहेका छन् । हरियाणाको मिरपुर गाउँका रामचन्द्र यादव अब आफ्ना फौजी बाबु हवलदार जगमाल सिंहको शवको प्रतीक्षा गरिरहेका छन् ।

जगमाल सिंहको शव ४५ बर्षदेखि ग्लेसियरमा पुरिएको थियो । उनले सपनामा पनि सोंचेका थिएनन कि बिमान दुर्घटनामा मृत्यु भएका आफ्ना पिताको शव ४५ बर्षपछि पाइन्छ भनेर ।

गत अगष्ट २२ मा भारतीय सेनाले ४५ बर्षअघि बिमान दुर्घटनामा मरेका सैनिकको शवसँगै जगमालको शव पनि फेला पारेको छ । शव फेला पार्दा शरीरमा सैनिक पोशाक कायम थियो भने खल्तीमा सैनिकको परिचय दिने कागजात पनि रहेको थियो । उनको साथमा परिचय खुल्ने पट्टासँगै बिमा नीति तथा उनका परिवारले पठाएको पत्र चिठी पनि भेटिएको छ ।

सन् १९६८ को फेब्रअरी महिनामा एक मालबाहक बिमान दुर्घटनामा यी सैनिकको मृत्यु भएको थियो । उनको शव सेनाले ढाक्का हिमनदीमा पाँच हजार चार सय मिटरको उचाईमा फेला परेको बताइएको छ ।

पर्वतारोहीले सन् २००३ मा उक्त क्षेत्रमा शव देखेका थिए । त्यसपछि सेनाले खोजी अभियान चलाएको थियो जसबाट चारवटा शव फेला पारेको थियो ।

आफै पनि सैनिक सेवाबाट अबकाश पाइसकेका रामचन्द्र भन्छन-‘बिमान दुर्घटना हुँदा म ६ बर्षको थिएँ । अब म ५२ बर्ष भइसकेछु र मैले मेरा २८ बर्षका बाबुको शव पाउँदैछु ।’-एएफपी

 

के तपाई एनसेलबाट इन्टरनेट चलाउनुहुन्छ ? अब अनलाइनखबर खोल्दा पैसा लाग्दैन । एक्टिभेट गर्ने तरिका थाहा पाउन यहाँ क्लिक गर्नुहोस्

अनलाइनखबरको एन्ड्रोइड एपका लागि यहाँ क्लिक गर्नुहोस् । तपाईं हामीसंग फेसबुकट्वीटरमार्फत् पनि जोडिन सक्नुहुन्छ ।

“५२ वर्षीय छोराद्वारा २८ वर्षीय पितालाई दागबत्ति !” मा प्राप्त ६ प्रतिकृयाहरू
  • Ganga लेख्नुहुन्छ    |   २०७० भदौ २४ गते ११:३१

    mare pachi umer badaina ta vai………………!!

    Like or Dislike: Thumb up 1 Thumb down 0

    [Reply]

यसमा तपाइको मत




मुख्य पृष्ठ  हाम्रो बारे  विज्ञापन   सम्पर्क
© २००६-२०१३ Onlinekhabar.com सर्वाधिकार सुरक्षित