१५ साउन, कराँची । पाकिस्तानको ठूलो सहर कराँचीको एक समुद्रमा १९ व्यक्तिको डुबेर मृत्यु भएको छ । सरकारी अधिकारीहरुले सो जानकारी बिहीबार दिएका छन् । सो घटनामा अन्य चार जना बेपत्ता भएका अन्तर्राष्ट्रिय सञ्चारमाध्यमले जनाएका छन् ।
पौडीका लागि प्रतिबन्ध लगाइएको सामुदि्रक क्षेत्रमा ती व्यक्ति पौडी खेल्न गएकाले सो घटना भएको बताइएको छ ।
समुद्रको पानी बाट १९ व्यक्तिको शव निकालिएको र अन्य चार जनाको खोजी कार्य भइरहेको सहरका प्रमुख प्रशासक सोआइब अहमद सिद्दिकीले एएफपी समाचार समितिलाई बताउनुभएको छ ।
इदको बिदा मनाउने क्रममा हजारौँ व्यक्तिले समुद्रमा पौडी खोलिरहेको अवस्थामा सो घटना भएको समाचारमा उल्लेख छ । एजेन्सी