११ मंसिर, काठमाडौं । भारत र पाकिस्तानका प्रधानमन्त्रीले हात मिलाएसँगै १८ औं सार्क शिखर सम्मेलन समापन भएको छ ।
सम्मेलनको उद्घाटन सत्रमा भारतीय प्रधानमन्त्री नरेन्द्र मोदी र पाकिस्तानी प्रधानमन्त्री नवाज शरिफबीच हेराहेर भएन । शरिफ सम्बोधनका लागि ड्यारतिर जाँदा मोदीले पत्रिका पढे ।
भारत र पाकिस्तानका प्रधानमन्त्रीले सार्कको उद्घाटनमा हात नमिलाएपछि यो चर्चाको विषय बनेको थियो ।
तर, समापन समारोहको दृश्य फरक रहृयो । धुलिखेल रिटि्रटमा अनौपचारिक भेटवार्ता भएपनि सार्वजनिक रुपमै भने सम्मेलनको समारोहमा मोदी र शरिफले हात मिलाए ।
त्यसअघि १९ औं सार्क सम्मेलन पाकिस्तानमा हुने घोषणापछि धन्यवाद मन्तव्य दिन शरिफ ड्यासमा जाँदा र र्फकँदा मोदीले अरु राष्ट्र तथा सरकार प्रमुखहरुसँगै ताली बजाए ।
राष्ट्र तथा सरकार प्रमुखहरुको सामूहिक फोटो सेसनपछि बाहिरिने क्रममा मोदी र शरिफले हात मिलाए । भारत र पाकिस्तानका प्रधानमन्त्रीले हँसिलो मुद्रामा भलाकुसारी गर्दै हात मिलाउँदा हल तालीले गुज्नयमान भएको थियो ।
हलमा ताली बजेपछि मोदी र शरिफले पनि निकै बेरम्म पोज दिएर फोटो खिचाए । मोदी र शरिफभन्दा पछाडि रहेका नेपालका प्रधानमन्त्री सुशील कोइराला पनि निकै हँसिलो मुद्रामा देखिए ।
भुटानका प्रधानमन्त्री, श्रीलंका राष्ट्रपति लगायतले पनि मोदी शरिफले हात मिलाउँदा ताली बजाएका थिए ।
तस्वीरः पीजे क्लब