नयाँ पुस्ताको सोचाइलाई मुख्य बिषय बनाएर तयार भएको चलचित्र ‘इच्छा’को ट्रेलर यसको निर्माणपक्षले सार्वजनिक गरेको छ । निर्माता हुँदै निर्देशक बनेका मुनाल घिमिरेले यो चलचित्र निर्देशन गरेका हुन् ।
दाङ, भैरहवा, काठमाण्डौ, धुलिखेल लगायतका स्थानमा छायांकन गरिएको यो चलचित्रले लभ स्टोरीको कथा भन्छ । चलचित्रमा कमेडी पाटोलाई पनि उत्तिकै स्थान दिएको निर्देशक घिमिरे बताउाछन् ।
यो चलचित्रमा दयाहाङ राई , सुवास थापा, दिपशिखा शाही, ओम प्रतिक, देशभक्त खनाल लगायतका कलाकारले अभिनय गरेका छन् । सार्वजनिक ट्रेलरमा चलचित्रका मुख्य ३ पात्र सुवास, दयाहाङ र दिपशिखालाई महत्व दिइएको छ ।
विवाह करकापले नभई आफ्नै इच्छा अनुसार गर्नुपर्छ भन्ने कथा चलचित्रमा देखाउन खोजिएको छ । चलचित्रलाई नविन श्रेष्ठ, प्रकाश घिमिरे, लक्ष्मण पौडेल र रोम ओलीले मिलेर बनाएका हुन् । यो चलचित्रमा गंभिर बिष्टको नृत्य, रोशन श्रेष्ठको द्वन्द्व, प्रकाश घिमिरेको लेखन छ । चलचित्र माघ २ गतेबाट हलमा लाग्दैछ ।
