स्मार्टफोनमा गेम खेल्नु अब रहरमात्र रहेन, लतकै रुपमा बिकाश हुन थाल्यो । तर, यही लत तपाईको जीवनका लागि खतरा बन्न सक्छ ।
अमेरिकाको क्यालिफोर्नियामा एक २९ वर्षीय युवकलाई स्मार्ट फोनमा क्याण्डी क्रस खेल्ने लत थियो । उनी घन्टौंसम्म लगातार खेलिरहन्थे ।
यसले उनको औलाको टिस्यू फाट्यो । तर, उनलाई थाहा भएन । उनले नियमित रुपमा ६ सातासम्म क्याण्डी क्रस खेलिरहे ।
जब औला सुन्नियो, उनी डाक्टर कहाँ गए । जाँचका क्रममा उनको औला सर्जरी गर्नु पर्ने भयो । उपचारमा संलग्न डाक्टरका अनुसार भिडियो गेमका कारण औंलाको मांसपेशीमा यस्तो असर देखिन्छ ।
लगातार गेम खेल्नेहरुलाई सुरुमा पीडा महसुस नै हुँदैन । किनकी खेलको लतका कारण मानिसहरु शरीरिक चोट पनि विर्सिन्छन् । तर, यसले गम्भीर परिणाम ल्याउँछ ।
किङ्ग्स डिजिटल इन्टरटेन्टमेन्टले बनाएको क्याण्डी क्रश नामको खेल विश्वभर लोकपि्रय छ । यो एन्ड्रोइडमा मात्र डेढ करोडभन्दा बढी डाउन लोड भइसकेको छ । -एजेन्सी
