२०७२ असोज ४ गते १३:०५ 
४ भदौ, काठमाडौं । बोका जुनियर्सका स्ट्राइकर कार्लोस टेभेजले अर्जेन्टिनस जुनियरर्सका मिडफिल्डर इजेक्वील हामको खुट्टा भाँचेकोमा माफी मागेका छन् ।
गत शनिबार राति दुई टोलीबीचको भिडन्तमा बोकाले ३-१ को जित हात पारेको थियो ।
युभेन्टसका पूर्वस्ट्राइकरले सो म्याचमा दुई गोल हानेका थिए । तर उनले विपक्षी मिडफिल्डरलाई गोडामा दनक दिएको घटनाले उनको प्रदर्शनलाई नै ओझेलमा पारिदियो ।
उक्त खतरनाक ट्याकलका बाबजुद टेभेजलाई दण्डित गरिएन । तर, ३१ वर्षीय स्ट्राइकरले हामको चोट गम्भीर भएको थाहा पाएपछि उनले सार्वजनिक रुपमा माफी मागेका हुन् । ‘उनलाई चोट पुर्याउने मेरो नियत थिएन’ खेलपछि उनले भने-‘तर मबाट अन्जानमा भए पनि गल्ति भएको छ । क्षमा चाहन्छु ।’
अर्जेन्टिनोसका कोच नेस्टर गोरोसिटोले भने टेभेजको भनाइलाई खण्डन गरे । ‘त्यो सुनियोजित नै थियो’ उनले भने-‘हामी घटनास्थलबाट तीन मिटरको दूरीमा थियौं प्रष्टसित देख्न सक्थ्यौं । फुटबल खेल्नेहरुलाई यस्ता कुरा थाहा हुन्छ ।’
प्रतिक्रिया 4