२८ माघ, काठमाडौं । बार्सिलोना, स्पेनिस नकआउट फुटवल प्रतियोगिता कोपा डेल रे को फाइनलमा पुगेको छ ।
बुधबार राति भएको सेमिफाइनल दोस्रो लेगमा भ्यालेन्सियाले बार्सिलोनागँग १-१ को बराबरी खेलेको छ । तर, पहिलो लिगमा ७-० को शानदार जित हात पारेको बार्सिलोना समग्रमा ८-१ ले विजयी भएको छ ।
भ्यालेन्सियाको घरेलु मैदानमा भएको खेलमा बार्सिलोनाले दोस्रो रोजाईको टोली मैदानमा उतारेको थियो ।
खेलमा भ्यालेन्सियाले ३९ औं मिनेटमा अल्भारो नेग्रेडोको गोलबाट अग्रता लियो । तर, ८४ औं मिनेटमा क्याप्टिमले बार्सिलोनाका लागि बराबरी गोल गरे ।
बार्सिलोनाले अब उपाधिका लागि सेल्टाभियो र सेभिल्ला मध्ये एकसँग खेल्नेछ । पहिलो लेगमा सेभिल्ला ४-० ले विजयी भएको थियो । दुईबीचको खेल बिहीबार राति हुनेछ ।
