१५ भदौं, काठमाण्डौं । आगामी निर्वाचनमा पार्टीले ल्याउने स्थान र चुनावी घोषणापत्र तयार पार्ने विषयमा छलफल गर्न जारी एमाओवादी केन्द्रीय समितिको बैठक स्थगित भएको छ ।
एक महिने चुनावी अभियानमा प्रत्येक निर्वाचन क्षेत्र पुगेका पार्टी केन्द्रीय सदस्यहरुले जिल्लामा आफ्नो स्थान मजबुद रहेको र आन्तरिक व्यवस्थापन दह्रो बनाउनुपर्ने सुझावसहित पार्टीले आवश्यक कदम चाले बहुमत ल्याउन सकिने दाबी गरेका छन् ।
केन्द्रीय सस्दस्यहरुको सुझावका आधारमा पार्टीको आन्तरिक व्यवस्थापनको तयारी तथा पार्टीको युवा संगठन योङ कम्युनिष्ट लिग वाइसिएलको अधिवेशनका कारण बैठक स्थगित गरिएको एमाओवादी पार्टी सचिवालयले जनाएको छ ।
