२५ भदौ, काठमाडौं । गोरखाको फुजेलका कृष्णप्रसाद अधिकारीको हत्या अभियोगमा पक्राउ गरिएका आफ्ना कार्यकर्ता रामप्रसाद अधिकारीको रिहाइको माग गर्दै एकीकृत नेकपा माओवादीले देशव्यापी आन्दोलनको निर्णय गरेको छ ।
जनयुद्धकालीन मुद्दा ब्युँताएर कार्यकर्ता पक्राऊ गरिएको विरोधमा एमाओवादीले आगामी भाद्र २८ गते देशैभरिका जिल्ला प्रशासन कार्यालय अगाडि धर्ना दिने र कोणसभा गर्ने निर्णय गरेको पार्टी प्रवक्ता अग्निी सापकोटाले अनलाइनखबरलाई जानकारी दिनुभयो ।
मंगलबार सम्पन्न कार्यालयको बैठकले धर्ना कार्यक्रमको निर्णय गरेको उहाँले बताउनुभयो । कार्यालयको बैठकमा पार्टी अध्यक्ष प्रचण्ड र पूर्वपदाधिकारीहरु डा. बाबुराम भट्टराई, नारायणकाजी श्रेष्ठ र पोष्टबहादुर बोगटीको सहभागिता थियो ।
