३० भदौ, डडेल्धुरा । आगलागीका कारण डडेल्धुरामा एकजनाको मृत्यु भएको छ भने एक गर्भवती महिला गम्भीर घाइते भएकी छन् ।
ट्रान्समिटरबाट सुरु भएको आगलागीबाट आलिताल-४ रक्सौनका २८ वर्षका नरेन्द्र थापाको आज बिहान घटनास्थलमै मृत्यु भएको छ भने ३० वर्षकी लीला बुढाथोकी गम्भीर घाइते भएकी छन् । बुढाथोकीलाई उपचारका लागि धनगढी लगिएको छ ।
विद्युत् लाइन सर्ट भई ट्रान्सर्फमरमा आगलागी भएपछि आलिताल-४ का रक्सौन, डडल्ले र घुम्ती बजारका दर्जनौँ घर क्षतिग्रस्त भएका छन् । घटनास्थलमा प्रहरी परिचालन गरिएको र क्षतिको पूर्ण विवरण आउन बाँकी रहेको जिल्ला प्रहरी कार्यालयले जनाएको छ । रासस