३ साउन, म्याग्दी । म्याग्दीको अर्मन-३ छिसबाङमा अविरल वर्षासँगै आएको बाढी गाउँमा पसेपछि स्थानीयवासी त्रसित बनेका छन् । खहरेखोला पहिरोले थुनिएर गाउँतिर धार परिवर्तन गरेपछि गएराति सर्वसाधारणमा भागाभाग भएको थियो ।
बाढी गाउँमा पसेपछि स्थानीय युवा र सर्वसाधारणको सहयोगमा खहरेका १० घरधुरीलाई गएराति अन्यत्रै सारिएको स्थानीय दधिलाल किसानले जानकारी दिए । उनका अनुसार बाढी र पहिरोले सेउलाबोट, गहते, पुलगैरा, खहरेलगायतका बासिन्दाको सिँचाइ र खानेपानी आयोजनामा समेत क्षति पुर्याएको छ ।
अहिले बाढी र पहिरोबाट १५ घर प्रभावित बनेको बताइएको छ । रासस
