८ साउन, काठमाडौँ । नेपाली कांग्रेस पदाधिकारीको बैठक बस्दैछ । बैठक प्रधानमन्त्रीको सरकारी निवास बालुवाटारमा साँझ ५ बजेपछि बस्नेछ ।
बैठकमा पछिल्लो समसामयिक राजनीतिक घटनाक्रम, संविधान निर्माण लगायतका विषयमा छलफल हुने प्रवक्ता दिलेन्द्र बडुले जानकारी दिए । पदाधिकारीको वैठकमा २६ सभासद मनोनयन, सरकार सञ्चालनबारे पनि छलफल हुनेछ ।
प्रधानमन्त्री एवम् पार्टी सभापति सुशील कोइराला एक महिना लामो स्वाथ्योपचारपछि अमेरिकाबाट फर्किएपछि पहिलो पटक बिहीवार पदाधिकारीको बैठक बोलाइएको हो ।
प्रधानमन्त्री कोइराला उपचारका लागि अमेरिकामा रहँदा सरकारले गर्ने महत्वपूर्ण निर्णय पनि हुन सकेको छैन ।
