४ भदौ, मुगु । गत वैशाखदेखि विमानस्थल स्तरोन्नति गरिने भन्दै स्थगित रारा विमानस्थल मंगलबारदेखि पुनः सञ्चालन भएको छ ।
मौसममा सुधार आएकाले तारा एयरलायन्सले परीक्षण उडान समेत गरेको छ । इन्जिनियरको टोलीले विमानस्थलको प्रतिवेदन प्राधिकरणमा बुझाएपछि नियमित उडान हुने रारा नागरिक उड्डयन कार्यालय मुगुका प्रमुख भीमदत्त पन्तले बताए ।
विमानस्थल बन्द हुँदा यहाँका यात्रु दुई दिनको पैदल यात्रा गरेर जुम्ला र बाजुराको कोल्टी विमानस्थलबाट आफ्ना गन्तव्यसम्म पुग्दै आएका थिए ।
मुगुमा नेपाल एअरलायन्स, तारा एयरलाइन्स, गोमा एयर, एयर काष्ठमण्डप र मकालु एयरले उडान भर्दै आएका छन् । रासस