२१ भदौ, भक्तपुर । भक्तपुरमा आउने विदेशी पर्यटक असुरक्षित भएपछि महानगरीय प्रहरी परिषर भक्तपुरले जिल्लामा पर्यटकीय प्रहरी प्रभाग स्थापना गरेको छ ।
भक्तपुर नगरपालिकाले उपलब्ध गराएको नगरपालिकाको व्यासीस्थित भवनमा स्थापना भएको पर्यटकीय प्रहरी प्रभागको एक कार्यक्रमका बीच शुक्रबार पर्यटन तथा नागरिक उड्यान मन्त्रालयका सचिव सुरेशमान श्रेष्ठले उद्घाटन गरे ।
सो अवसरमा सचिव श्रेष्ठले नेपालमा एकपटक आएको पर्यटक पटकपटक आउन सक्ने वातावरणको सिर्जना हुनु आवश्यक रहेको आँैल्याउँदै पर्यटकको सुुरक्षाका लागि पर्यटक प्रहरीको स्थापना गरेको बताए ।
पर्यटक प्रहरीले अब भक्तपुर आउने पर्यटकलाई ठगिन, आक्रमण, चोरी, लुटपाटबाट बचाउने, त्यस्ता घट्ना भएमा तत्कालै उद्धार गर्ने र दोषीलाई कारबाही गर्ने छ । रासस
