सिन्धुपाल्चोकका पत्रकारलाई सुआहारा सम्मान

७ असोज, काठमाडौं । युएसआइडीको सहयोगमा सिन्धुपाल्चोकमा विगत तीन वर्षदेखि काम गर्दै आएको सुआहाराले जिल्लाका दुइ सञ्चारकर्मीलाई मंगलबार सम्मान गरेको छ ।

गर्भवती महिला तथा दुई वर्ष भन्दा कम उमेरका बच्चाहरुको पोषण अवस्थामा सुधार ल्याउन सञ्चारमाध्यमबाट महत्वपूर्ण भुमिका खेलेको भन्दै सञ्चारकर्मीलाई सम्मान गरेको हो ।

राजधानी दैनिकका सिन्धुपाल्चोक संवाददाता दिनेश थापा र स्थानीय ओखरेनी साप्ताहिकका समाचार संयोजक किशोर बुढाथोकीलाई सम्मान गरीएको हो ।

मंगलबार आयोजीत कार्यक्रममा स्थानीय विकास अधिकारी युवराज कटेलले ताम्रपत्रसहित नगद दिएर सम्मान गरेका थिए । जिल्लामा तीन वर्षदेखि कार्यरत सुआहारले जिल्लाका ७५ गाविस र एक नगरपालिकामा कार्यक्रम सञ्चालन गरिरहेको छ ।

स्थानीय टुकी संघ सुनकोशीको समन्वमा नेपाल सरकार अन्र्तगत गर्भवती महिला,सरसफाई,बालबालिका लक्षीत कार्यक्रम सञ्चालन गरेको छ ।

सुआहाराले सञ्चालन गरेको गतिविधि सञ्चार माध्यममा प्रकाशित गरेबापत जिल्लाका सञ्चारकर्मी मध्ये थापा र बुढाथोकी उत्कृष्ट भएकोले सम्मान गरीएको सुआहार जिल्ला कार्यक्रम संयोजक सविन श्रेष्ठले जानकारी दिए । आगामी वर्ष पनि यो का कार्यक्रमले निरन्तरता पाउँने श्रेष्ठले बताए ।