८ असोज काठमाडौं । जापान पठाइदिन्छु भनी १८ लाख ठगी गरेको आरोपमा नविन घिमिरे पक्राउ परेका छन् ।
पाल्पा खस्यौली-७ घर भई डिल्लीवजार वस्ने घिमिरेले सिन्धुपाल्चोक धुस्कुन २ वस्ने युवराज खत्रीलाई जापान पठाउने भनी १८ लाख लिएका थिए ।
नेपालमा बसेर उनले जापानमा रहेको भन्दै फेसबुकमार्फत जापानकै आईपी लोकेशन देखाउँदै पैसा लिएका थिए ।
महानगरीय प्रहरी हनुमानढोकाको अपराध महाशाखाबाट खटिएको टोलीले घिमिरेलाई पक्राउ गरेको छ । उनको कोठाबाट ११ लाख रुपैयाँ बरामद भएको छ ।
