काठमाडौ । गायक भरत सिटौलाले दसैंलाई लक्षित गरेर नयाँ म्युजिक भिडियो बजारमा ल्याएका छन् ।
‘कुन फूल होला’ बोलको म्युजिक भिडयोमा मोडल निलु खड्काले अभिनयमा साथ दिएकी छिन् ।
गायक सिटौलाको आफ्नै संगीतमा तयार भएको यस एल्बममा डा. बदि्र पोख्रेलको शब्द रहेको छ । शैलेन्द्र प्रधान ‘बाबु’ले संगीत संयोजन गरेका छन् । सिटौलाले यसअघि ल्याएको गीत ‘म अनि तिमी’लाई दर्शकले रुचाएका थिए ।
नयाँ म्युजिक भिडियो ‘कुन फूल होला’ले राम्रो सफलता पाउने विश्वास सिटौलाले गरेका छन् । जीवन थापाको निर्देशनमा बनेको म्युजिक भिडियोलाई भिज्युल इफेक्टको प्रयोगले अझ स्तरिय बनाएको छ ।
