२३ असोज काठमाडौं । सिटिजन्स बैंकले बर्दियाको सानोश्रीमा नयाँ शाखा सुरु गरेको छ । बाढीले आक्रान्त भएको बर्दिया जिल्लामा साउनको ३१ गतेबाट कारोबार आरम्भ गरे पनि आजबाट पूजापाठ गरि विधिवतरुपमा कारोबार संचालन गरेको हो ।बैंकका नायव प्रमुख कार्यकारी अधिकृत गणेशराज पोखरेलले पुजापाठ गरि शाखा आरम्भ गरे। सानोश्रीमा शाखा खोलेर सिटिजन्स बैंकले जनतामा उत्साहको अलिकति भएपनि संचार प्रवाह गरेको पोखरेलले बताए ।
सानोश्रीमा शाखा संचालनमा ल्याउने सिटिजन्स बैंक पहिलो निजि क्षेत्रको वाणिज्य बैंक भएको छ ।
देशको १४ अञ्चलमा फैलिएका यस बैंकको ४७ वटा शाखा, ४० वटा एटिएम काउन्टर र २०३ वटा शाखारहित आधुनिक बैकिङ्ग सेवा दिंदै आएको छ । बैंकले करिब ३ लाख भन्दा बढी ग्राहकलाई सेवा प्रदान गर्दै आएको छ ।
