मुम्बइ । सञ्जयलीला भन्सालीको ड्रिम प्रोजेक्ट ‘बाजीराव मस्तानी’ को सुटिङ रोकिएको छ । सुटिङ युनिटको अवरोधको कारण सुटिङ रोकिएको भारतीय संचारमाध्यमले जनाएका छन् ।
मुम्बईवाट प्रकाशित ‘मिड डे’ मा छापिएको समाचार अनुसार दीपिका पादुकोण र रणबीर सिंहको मुख्य भुमिका रहेको यस फिल्मका प्राविधिकहरुले काम गरेवापतको पारिश्रमिक पाएका छैनन् । कतिपयले यो पनि आरोप लगाएका छन् । छुटि्टको दिन समेत प्राविधिकहरु काम गर्न वाध्य भएका छन् ।
प्राविधिकले काम रोकिदिंदा निर्देशक भन्साली चिन्तित छन् । केही वर्षदेखी यहि प्रोजेक्टमा काम गर्दै आएका भन्सालीले आगामी वर्ष फिल्म प्रदर्शनको योजना बनाएका छन् । फिल्ममा पि्रयंका चोपडाले पनि मुख्य भुमिका निर्वाह गरेकी छिन् ।
