२४ असोज, भैरहवा । नापी कार्यालय रुपन्देहीका सर्भेक्षक राजेन्द्रलाल श्रीवास्तव घुस लिदा लिदै रङ्गेहात पक्राउ परेका छन् ।
पड्सरी गाविस-५ ठुटिपिपल निवासी श्रीवास्तवलाई अख्तियार दुरुपयोग अनुसन्धान आयोगको टोलीले रंगेहात पक्रेको हो ।
श्रीवास्तवले सेवाग्राहीबाट घुस माग्ने गरेको पटक पटक उजुरी परेपछि अख्तियारले उनीमाथि निगरानी राखेको थियो । सोही क्रममा शुक्रबार तीन हजार नगद सहित उनी पक्राउ परेको अख्तियार दुरुपयोग अनुसन्धान आयोगको क्षेत्रीय कार्यालय रुपन्देहीका प्रमुख निराजन घिमिरेले अनलाइनखबरलाई जानकारी दिए ।
अख्तियारको टोलीले उनको साथबाट ६७१६१६, ८२४४१३ र ६६२०३६ नम्बरका एक हजार रुपैंयाका तीन वटा नोट बरामद गरेको छ ।
