३ कात्तिक, धादिङ । काठमाडौँबाट धादिङको चरौँदीतर्फ जाँदै गरेको ट्रक त्रिशूली नदीमा खस्दा पाँच जना बेपत्ता भएका छन् ।
चरौँदीतर्फ तरकारी लिन जाँदै गरेको ना४ ख ८८१३ नम्बरको ट्रक ट्रक पृथ्वी राजमार्गअन्तर्गत गजुरी गाविस-२ फुर्केखोला नजिकैबाट त्रिशूलीमा खसेको थियो ।
ट्रकमा चालक विमल खड्कासहित सहचालक र तीन यात्रु थिए । नदीमा खसेको ट्रकको माथिल्लो भाग मात्र देखिएको र हराइरहेकाहरुको खोजी भइरहेको प्रहरीले जनाएको छ । रासस