साताभरमा ७ करोड ८१ लाख कित्ता सेयर सूचिकृत

५ पुस काठमाडौं । यो साता नेपाल स्टक एक्सचेञ्जमा विभिन्न पाँच कम्पनीका ७ करोड ८१ लाख ४ हजार ३ सय ९६ कित्ता सेयर सूचिकृत भएका छन ।
नेपाल स्टक एक्सचेञ्जका अनुसार नेपाल इन्भेष्टमेन्ट बैंकको ७ लाख ५० हजार कित्ता ऋणपत्र, कामना विकास बैंकको ३ लाख कित्ता बोनस सेयर, नेपाल बंगलादेशको २० लाख ९ हजार ३ सय ९६ कित्ता बोसन सेयर, काँक्रेबिहार विकास बैंकको ४५ हजार कित्ता बोनस सेयर र एनएमबी सुलभ लगानी कोषको ७ करोड ५० लाख कित्ता एकांक सेयर सूचिकृत भएका छन ।

सूचक घटेपनि ३४ करोड कारोबार बढ्यो

यो साता ६.१२ अंकले घटेर नेप्से परिसूचक ९०३.८९ अंकमा झरेको छ । साताभरमा नेपाल स्टक एक्सचेन्जमा १ सय ६७ कम्पनीका का ३२ लाख ३० हजार कित्ता सेयर एक अर्ब १४ करोड ३० लाख ३६ हजार रुपैयाँमा किनबेच भएका छन ।

कारोबार रकम गत साताको भन्दा ४२.४९ प्रतिशत बढी हो । गत साता १ सय ६३ कम्पनीका २२ लाख १८ हजार

कित्ता सेयर ८० करोड २१ लाख ९८ हजार रुपैयाँमा किनबेच भएका थिए ।

साताको पहिलो दिन आइतबार ३९ अंकले र दोस्रो दिन ६ अंकले बढेपनि त्यसयताका तीनदिन परिसूचक घटेको थियो ।

‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स पहिलो दिनको तुलनामा १.४९ अंकले घटेर १८६.७३ अंकमा आईपुगेको छ । यस साता कारोबार रकम (१० करोड ४८ लाख हजार रुपैयाँ) को आधारमा चिलिमे हाइड्रोपावर कम्पनी अग्रस्थानमा रहेको छ । त्यसैगरी कारोबार भएको सेयर संख्या (७ लाख ४४ हजार कित्ता) को आधारमा सिद्धार्थ लगानी वृद्धि योजना अग्रस्थानमा छ । त्यसैगरी कारोबार संख्या (४२५ वटा) को आधारमा मेगा बैंक अग्रस्थानमा रहेको छ ।
कारोबार रकमका आधारमा साताका उत्कृष्ट ५ कम्पनी

कम्पनीको नाम	कारोबार रकम (रु. दशलाखमा)
नेपाल बैंक	104.8
चिलिमे हाइड्रोपावर कम्पनी	85.78
एभरेस्ट बैंक	75.81
एनसिसी बैंक	43.09
सानिमा बैंक	41.09