रौतहटमा चार वर्षकी बालिका बलात्कृत

गौतम श्रेष्ठ
८ पुस, रौतहट । रौतहटमा चार वर्षकी बालिका बलात्कारको शिकार भएकी छन् ।
चन्द्रपुर नगरपालिका वडा नं. ९ पौराई मंगलपुरकी चार वर्षकी अबोध बालिकालाई छिमेकी १४ वर्षका श्यामकृष्ण सहनीले बलात्कार गरेको प्रहरीले जनाएको छ ।
बालिकाका अभिभावक घर बाहिर गएको बेला सहनीले घरमै गएर बलात्कार गरेको इलाका प्रहरी कार्यालय चन्द्रनिगाहपुरका प्रहरी नायब उपरिक्षक नेत्रमणी गिरीले बताए ।
सहनीलाई प्रहरीले पक्राउ गरेको छ । पक्राउ परेका उनले बालिकालाई जबरजस्ती गरेको बयान दिएका छन् । बालिकाको स्वास्थ्य उपचार भइरहेको छ ।