१५ पुस काठमाडौं । अनलाइनबाट बस टिकट काट्न सकिने सेवा प्रदान गर्दै आएको ‘बससेवा डटकमले’ अंग्रेजी नयाँ वर्ष सन् २०१५ को अबसरमा बस टिकट काट्दा साबिक दरमा पाँ प्रतिशत छुट योजना संचालन गरेको छ ।
बससेवा डटकमका प्रमुख कार्यकारी अधिकृत पर्शुराम खनालले यो छुट योजना डिसेम्बर ३० गतेदेखि जनवरी १४ गतेसम्म लागु जानकारी दिए । ‘अंग्रेजी नयाँ वर्ष भएपनि यो अन्तर्राष्ट्रियरूपमा मनाइने गरेको र नेपालमा पनि यसलाई आधार मानेर धेरैकाम हुनेहुदा नेपाली यात्रुहरूमा नयाँ वर्षको खुसीयाली साट्नको लागि छुट योजना संचालन गरिएको हो ।’ खनालले भने ।
बससेवाले विगत छ महिनादेखि नेपालमा अनलाइनबाट बस टिकट काट्न सकिने प्रविधिको सुरूवात गरेको हो । जसको माध्यमबाट आफु जाने बसको टिकट घरमै बसेर वा नजिकैको साइबर, कम्युनिकेशन सेन्टर तथा ट्राभल एजेन्सीबाट टिकट खरिद गर्न सकिन्छ ।
बससेवाले हाल देशभरका सयभन्दा बढी यातायात व्यवसायीहरूसँगको सहकार्यमा मुलुकका मुख्य रूटहरूमा डिलक्स् तथा एसी बसको टिकट काउन्टरको दरमा नै अनलाइनमार्फत् उपलब्ध गराउदै आएको छ ।
पोखरा, सौरहा लगायतका केहि स्थानमा भने टुरिष्ट गाडि तथा माइक्रो बसहरूका समेत टिकट उपलब्ध गराउँदै खनालले जानकारी दिए ।
अनलाइन टिकट काट्ने प्रक्रिया निकै सरल भएको उनले बताए । यात्रुले बससेवा डटकममा गइ आफु जाने गन्तब्य अथवा स्थान, मितिलगायत मागिएका विवरण भरेर ई-सेवामार्फत् रकम भुक्तानी गरि टिकट काट्न सक्नेछन ।
हाल अनलाइन टिकट काट्न सिकने रूटहरू
काकडभिट्टा | बिराटनगर | बिरगन्ज | दील्ली | सुनौली | सुर्खेत |
---|---|---|---|---|---|
बिर्तामोड | धरान | चितवन | मनकामना | भैरहवा | कोहलपुर |
दमक | कल्यानपुर | हेटौडा | पोखरा | लुम्बिनी | दैलेख |
भद्रपुर | राजबिराज | लालबन्दी | सौराहा | तौलिहवा | अर्घाखाँची |
बनियानी | मिर्चैया | सर्लाही | गाईघाट | बुटवल | गुल्मी |
इटहरी | लहान | बर्दिबास | जनकपुर | पाल्पा | कृस्णनगर |
ईलाम | पशुपतीनगर | गौर | नयापूल,कास्की | गोर्खा | वालिंग, स्याङ्जा |
ओखलढुंगा | घुर्मि | भुलभुले,लमजुंग | नेपालगञ्ज | मिर्मी | गल्यांग, स्याङ्जा |
मलङ्वा | रामेछाप | सिन्धुली |