१७ पुस, काठमाडौं । अफगानिस्तानमा एक विवाह समारोहमा रकेट खस्दा कम्तिमा २० जनाको मृत्यु भएको छ ।
४० जनाभन्दा बढी घाइते भएका छन् । दक्षिणको हेलमन्ड प्रान्तस्थित एक घरमा रकेट खसेको थियो, जहाँ बेहुलालाई स्वागतको तयारी भइरहेको थियो ।
मृतकमध्ये धेरै महिला र बालबालिका छन् । घरमुलीका नौं बालबच्चा अझै वेपत्ता छन् ।
घाइतेहरुको हेलमन्ड प्रान्तको राजधानी लश्कर गाहको अस्पतालमा उपचार भइरहेको छ ।
