सिड्नी।अध्ययनको शिलशिलामा अस्ट्रेलिया अएका पाल्पाका कैलाश पाण्डे पानी जहाजको पहिलो नेपाली पाइलट बन्न सफल भएका छन् ।पानी जहाज पाइलट विषयमा स्नाकोत्तर गरि उनी पानी जहाजको क्याप्टेन बन्न सफल भएका हुन् ।
उनी अहिले सिडनी हार्वर हाउसबाट विभिन्न सामुद्रिक यात्रामा छुट्ने साना वा ठूला जहाजहरूका कमान्डर छन् । उनले सात हजार घण्टा सम्मको सफलतापूर्वक पानीजहाज चलाइसकेका छन् । पाल्पाका कैलाश अस्ट्रेलियामा भने ब्राम पाण्डेको नामले चिनिन्छन् ।
अन्तरदेशीय तथा अन्तर्रास्टिय जहाज चलाऊन हरेक दिन ब्यस्त रहने उनी जल, थल र हवाइ सबै खाले सवारीको चालक बन्ने तयारी गरिरहेको बताउँछन्। उद्दार हेलीकोप्टर समेतको पाइलट बन्ने तयारीमा रहेका पाण्डे आफू स्टिवर्ड पदबाट यो पेशामा प्रवेश गरेको र कम्पनीकै खर्चमा अध्ययन समाप्त गरि यो उचाइमा पुगेको बताउँछन। ३१वर्षका पाण्डे ७ वर्षअघि अस्ट्रेलियामा अध्ययनका लागि आइपुगेका थिए ।
–भीमसेन सापकोटाबाट
